Mumpar 25:21 - mzwDBL

²¹ Dɛ hambaraa. Asɛ Aesek soŋe Korowii o haah Rebɛka kpoŋe tea.

Mumpar 25:21 Referans Kwoze

Ɛsra 8:23

Anomanta, ya vɔwɛ nyoa dɛ soŋe Korowii ŋɔ o lɛ yaa le ɡɛ waa nɔ ta. Asɛ o no ya wesoŋa, dɛ lɛ yaa.

Amanesoma Luk Aa Chwera Tɔn 1:13

Anee nyundua torome la ŋɔ o be ŋɔ, “Sekaria, dɛɛ berɛ ɔma! Korowii no he wesoŋa. He haah Ɛlesabɛt ɛɛ lolɛ bibaalee tɛɛ, ásɛ he pa o sɔn Jɔn.

Aesaya 58:9

Asɛ name dɛ he soŋ mɛ naa ń no, he do lɔŋɔ yer mɛ naa, ń sɛh ŋɔ, ‘Men nɔ.’ Dɛ he ɡel nɛra hɔhɔrɔwa ɛɛ, dɛ ɡel waa kpɔe dɛ daɡ ba, dɛ ɡel wobochɔɡa bola,

2 Webena 33:13

Korowii no o wesoŋa, a che a ta o ɡel ba berɛ kpɔɔ ba Jerusalam o ba di kora ja. Anɔɔ ɡela Kooro Manasɛ jemɛ kɛŋɔ Korowii ɛ kasinteŋ Korowii.

1 Webena 5:20

Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.

1 Samoɛl 1:27

N kpɔɔ bil Korowii sie ŋɔ ó tɛ mɛ bie nɔ, asɛ o sɛh n nyoa dɛ tɛ mɛ.

Amanesoma Luk Aa Chwera Tɔn 1:7

Sekaria moo, ba bwa ba hwɛɛh, kɛ dɛ ba ta bie dɔe, dɛkalkɛŋɔ dɛ Ɛlesabɛt ɛ hambara.

Aesaya 45:11

Korowii, Israel Nɛŋɡoroŋ waa ta ba, dɛ́ jemɛ waa aa chiɡ kerekere la ŋɔ, “He ta ŋwɛnɛ dɔe kɛŋɔ, hé bɔɔ mɛ n bii wa, kɛɛ dɛ́ baɡ mɛ ɡɛ maa ɛ.

Sɛɡla 10:24

Waa nɛnchɔɡe aa dɛ ɔmɛ la, a dɛ ba o nɛ, kɛ nɛn o wa aa toɡra te, dɛ́ dɔ kon waa dɛ nyin.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Mumpar 11:30

Dɛ Sarai te ɛ hambara o ta bie dɔe.

Yela 145:19

Nɛra baa dɛ ɔmɛ la, he dɛ tɛɛ ba ba konnyina, dɛ no ba wii dɛɛ lɛɛ ba.

Yela 127:3

Bii ɛ kwaa Korowii aa swee nɛra andɛɛɡa, dɛ kpɔ dɛɛ kɛ ba.

Yela 65:2

dɛkalkɛ henee dɛɛ no ya wesoŋa. Nɛra ɛɛ le bobɛlbwaa ba he be dɛ́ ba tomɛ,

Aesaya 65:24

Ba ne ŋɔ ba soŋ mɛ tonɛ la, dɛ n noɔ dɛ́ chaŋe. Ba taa dɛ bol kwaraa la, dɛ n te jemɔ.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

1 Samoɛl 1:11

Belaa Hana baɡɛ Korowii nyoa ŋɔ, “Nemenɛ Korowii, na n sum, bɛ n waa soh. No he tolo wa, dɛ́ tɛ mɛ bibaa, ásɛ n leo cheɡ tɛɛ o soɡa bini bwa, baa o nyumpon beŋkpoŋ kwaraa fonɛ bwa.”

1 Samoɛl 1:2

Dɛ Ɛlkana mo haahna banɛ. Bɛl sɔne Hana, asɛ nɛɛte ɡe Pɛnena. Pɛnena dɔ bii, asɛ Hana te ta bie dɔe.

Mumpar 16:2

asɛ o ŋɔ Abram be ŋɔ, “Korowii ta ɡelɛ n lolɛ, anomanta, berɛ kpɔ n tolo nɔ. A ken ɛɛ che o nɛɛ n dɔ bie.” Asɛ o sɛh a ta.

1 Samoɛl 1:17

Ate, sɔfo Eli ŋɔ, “Kaa deŋnesɔɔhna ne, Korowii Israel tena aa dɛ tomɔ la tɛɛ komɛlbwa haa dɛ nyin.”

Mumpar 30:22

Korowii no Rakɛl wa dɛ no o wesoŋa dɛ tɛo lol.