Mumpar 25:13 - mzwDBL

¹³ Ismael bii waa lol ba la, kenii ba teŋɛ dɔŋa nɛ, Nɛbayɔt ne Keda ne Adbeel dɛ Mibsam,

Mumpar 25:13 Referans Kwoze

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Aesaya 42:11

Nɛra haa soɡe pua hɛŋle ɡbo harɛ bwɛɛre ta, hé ɡo yela kpɛɛ Korowii! Keda naanar, bela bwa haa soɡa la, hé ɡe ɡo kpɛɛra yela! Sela tena, hé le bwejena dor dɛ́ kpɔ silɛɛ ɡo yela tɛo!

Yelsom 1:5

Jerusalam bitoli, n biro dɛ do wer, n biro kɛŋɔ tɛnte deene aa lɔ Keda pua hɛŋle ɡbo harɛ ta, kɛ dɛ berɛ do wer kɛŋɔ, Kooro Solomɔn koodem pateesanre.

Yela 120:5

N na waa kɛŋɔ maa soɡe Mɛsɛk ne Keda tena baa ɛ nyubinikpeɡ tena baah.

Mumpar 36:3

O hantoorote sɔne Basemat, o mɛɛ sɔne Ismael, o nimambie sɔne Nɛbayɔt.

Mumpar 25:14

ne Misma ne Duma dɛ Masa,

Sitɔɔla 8:24

O berɔ ŋɔ, “Kombeŋkpoŋii mɛɛ ba heyaa soŋa. Hé bini bɛlbwa tɛ mɛ deŋne kon beŋkpoŋ dɛ́ le laala haa paa laa ta la ta.” Midian tena la nawee waa suuɡaswɛm deŋna kwaa doe.

Jeremia 49:28

Korowii bol Keda dea tena ne Hasɔ harɛre Babelɔn Kooro Nebukadnesa aa yoa dɛ pɔ ba nɛɛ la waa ŋɔ, “Hé ir, dɛ́ ka yo Keda tena, dɛ́ kpoo nɛra baa soɡe pua hɛŋle ɡbo harɛ ta wee leebɔr.

Mumpar 17:20

N no Ismael haa soŋ mɛ o waa la wa. Mɛɛ tɛo hɛɛraa dɛ́ ɡel o bii ne o naanar warɛ kohona. Mɛɛ ɛo deene fi dɛ anɛ nomonome mɛɛ, ásɛ dɛ ɡel o naanar do kan ba harɛ ta.

Mumpar 28:9

asɛ o chiɡ ŋwɛnɛ ta dɛ kaa Ismael waa ɛ Abraham bie la be dɛ ka mo o bihaah baa dɛ yerɔ Mahalat la ja o haahna la nɛ. O nime sɔne Nɛbayɔt.

Jeremia 2:10

Hé ɡale kaa wee cholibɔr Saepros mpo nyoa harɛ ta ka na. Hé tomɛ nomɛl ó la Keda harɛ wee leebɔr ɡe ka nyiŋi. Hɛɛ nao kɛŋɔ waa aa do ken nɔ dɔŋa ta chiɡe ka.

Ɛsekeɛl 27:21

Arab tena ne Keda harɛ ta koranar ne he di bona. Ba kpɔ pebiiri ne pebala dɛ boohna ba charɛ laala he be.