Mumpar 23:20 - mzwDBL

²⁰ Gɛɛ a ɛ Hiti tena kpɔ harɛ la ne bwebɔɔ la do Abraham nɔn ta ŋɔ ó kpɔ ɛ o lala huɡribɔr.

Mumpar 23:20 Referans Kwoze

2 Koranar 21:18

Kooro Manasɛ sewɔ ka pu o naawa, asɛ ba huɡo bodɛɛɡe bobɛl baa du daa koodem la jwɛh, ba dɛ yera Kooro Usa Daa. O bibaa Amɔn baa chiɡ o naa ta, dɛ di kora.

2 Samoɛl 24:24

Asɛ kooro chaŋo ŋɔ, “Akai, n ta cheɡɔɔ kɛ ń bɔe o kem. Maa kwaa kpo dɛ́ fuah ɛ saraha tɛ Korowii maa dɛ tomɔ pɛɛpɛɛ maa wola kem bɛlbwaa bɔ.” Anomanta, o yawɛ mea lɔ bɔr la ne nabala la bwa suuɡapoŋa fifraanue.

Mumpar 50:13

Ba cheɡɔɔ kaa Keenan harɛ ta, dɛ ka huɡo bwebɔɔ waa lɔ Makpɛla. O bɛne Mamre wee leebɔr koo Abraham aa yawɔ le Hiti te Efron be dɛ kpɔ ɛ huɡri bɔr la.

Mumpar 50:5

N mɛɛ aa dɛ ba sewa la, o ɡelɔ n ŋwɛɛ baɡlo kɛŋɔ mɛɛ huɡoo bwebɔɔ waa kwaaro o do Keenan harɛ ta laanee. Anomanta, n dɛ soŋe, ó ɡel ń la ka huɡe n mɛɛ, ásɛ dɛ berɛ ba.”

Mumpar 25:9

O bie Aesek ne Ismael kaa huɡo Makpɛla bwebɔɔ la bini. Bwebɔɔ la lɔ Hiti te baa dɛ yerɔ Efron o ɛ Soha bie la harɛ bɛl ta dɛ do Mamre wee leebɔr.

Mumpar 10:15

Keenan ɡe aa baa kpeɡ la, o lolɛ o bibanloɡle dɛ pa o sɔn Sidon, dɛ lolɛ Hiti tena nabaa ɡe. Ba sɔna nɔɔ ba kpɔ dɛɛ yerɛ ba naanar,

Mumpar 23:4

“N ɛ hɔɔh dɛ ba pu heyaa so, bonɔ laa n le. Anomanta, hé tɛ mɛ harɛ asɛ n yawɛ dɛ huɡe n haah.”

Mumpar 23:19

A habɔɔ la, Abraham huɡe o haah Saara bwebɔɔ la ta. Belaa baa yerɛ Hɛbrɔn, o do Keenan harɛ ta la.

Mumpar 25:10

Gɛ harɛ Abraham aa yawa le Hiti tena be ba huɡe o haah Saara la, belaa ba huɡe o ɡe.

Mumpar 49:29

Ate, Jekɔb berɛ ŋɔ o bii la be ŋɔ, “Taraken, n dɛ ba sewa. N baa sewaa, hé ka huɡ mɛ n mɛɛwa huɡri bɔr o fa aa lɔ Hiti te Efron koo ta.