Mumpar 22:7 - mzwDBL

⁷ Belaa Aesek yerɛ o mɛɛ Abraham ŋɔ, “N mɛɛ,” asɛ o sɛh ŋɔ, “N biee hen.” Anee Aesek chaŋe ŋɔ, “Nii ne daaree nɔ, aah leperaa pee haa dɛ ba kpɔe ɛ saraha la te dɔɔ?”

Mumpar 22:7 Referans Kwoze

Tɔn Pɔɔl Aa Chwerɛ Rom Tena 8:15

Korowii Domadɛɛɡe la waa kpɔa tɛ heyaa la, o ta ɡelɛ he ne Korowii baah do kɛŋɔ nɛn ne o yom asɛ hɛ́ɛ ɔmɔ. O ɡelɔ he ɛ Korowii bii. O alaworomɛ ya won wii dɛ́ yerɛ Korowii ‘Mɛɛ, n Mɛɛ’, kɛŋɔ bie aa dɛ yerɛ o mɛɛ la.

Amanesoma Jɔn Aa Chwera Tɔn 18:11

Pita aa ɛ ɡɛ la, Yeesu ŋɔ o be ŋɔ, “Kpɔ kere la su o tɔɔ ta! N bɛ wahala n Mɛɛ aa cheɡa ŋɔ ń na la na kɛɛ?”

Matiu 26:42

Yeesu berɔ ka soŋe Korowii ja dɛ ŋɔ, “N Mɛɛ, dɛ nae chɛ kɛŋɔ ń na ɡɛ wahala nɔ, ásɛ he laa kpɔ n nɛɛ aa wola maɡre aa, ɛa ɡɛ aa too he tea.”

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Kaala 12:3

Hé ŋɔ Israel tena be ŋɔ a ɡɛ korobie nɔ tɔpera fi ta la, bɛlbwa lawɛ pebie ó che tɛ o ne o dem tena. Dem te bɛlbwa lawɛ pebie beŋkpoŋ.

Mumpar 8:20

Nowa pa bwea dawɛ dɔŋa nɛ, asɛ dɛ lawɛ ola ne jumbii Korowii aa ŋɔa bá di la bini beŋkpoŋa, dɛ kpoora dɛ fuah ɛ saraha kon la ta, dɛ kpɔ jam Korowii.

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

Amanesoma Jɔn Aa Chwera Tɔn 1:36

O na Yeesu o baa kaa, asɛ dɛ ŋɔ, “Hé na Korowii Pebie la!”

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

Mumpar 22:8

Asɛ Abraham chaŋe ŋɔ, “N bie, Korowii ɡbaɡbaa dɛ́ tɛ pee maa kpɔ ɛ saraha la.” Ba nɛra banɛ la bwa berɛ tɛr do dɛɛ kaa.

Kaala 29:38

Kwaa haa lawɛ ba saraha kon la ta ba ɛ saraha tɛ mɛ tɔpere bɛlbwa laanee pebiiri anɛ, a bɛlbwa aa di benanyoa.