Mumpar 22:3 - mzwDBL

³ Tɔ aa per chɔmbibii la, o iro do o bone dɛ vɔwɛ dawɛ keeɡo nɛ. O kpɔ o bonɔɔna banɛ ne o bie Aesek, ne daa waa ka mar dɛ ɛ saraha la, asɛ ba chiɡ ŋwɛnɛ ta dɛɛ kaa bela Korowii aa baɡlo la.

Mumpar 22:3 Referans Kwoze

Yela 119:60

Mɛɛ ɛ waranee maa wola hɛlɛ, dɛ́ɛ teŋɛ waa haa do mɛ a ta la.

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

Amanesoma Luk Aa Chwera Tɔn 14:26

“Dɛ nomɛlbwa ba n be o ta men nyine ɡwaa o mɛɛ ne o nya, ne o haah ne bii, o dɔɔranar ne nimanar ne nimambii dɛ o ɡbaɡba aa, waa won ɛ n habɔteŋre.

Galaasia 1:16

A ɛo silɛɛ kɛŋɔ ó ɡel n jemɛ o Bie la, dɛ́ won baɡle o Amanesoma nɛŋhɔɔhra baa wola Juu tena ɛɛ la be. Waa lee mɛ ɡɛ la, n ta taarɛ baɡle nomɛlbwa ŋɔ ó baɡ mɛ ɡɛ maa ɛ mɔɔ dɛ́ jo o toma la ta.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Mumpar 21:14

Anomanta, Abraham iro chɔmbibii dɛ kpɔ kondikwaa ne oltɔn pur, dɛ do nee o bini o su dɛ kpɔ chɔŋɛ Heeɡa vaama ta. O lawɛ bie la ja o nɛ, dɛ ta ba ŋwɛnɛ ba kaa. Heeɡa aa lea kaa la, bobɛl waa ɛ pua hɛŋle ɡbo harɛ baa yerɔ Beɛseebaa o ka do dɛɛ ɡaaɡe.

Mumpar 17:23

Awola tɔpere la, Abraham lawɛ o bie Ismael ne baala baa lɔ o dem bwa, banɔ la baa ɛ yoma ne bibaala baa lol ba o dem, dɛ teŋe ba pena ɡɛ Korowii aa ŋɔ o be la.

Hibru 11:8

Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.

Mumpar 22:2

Belaa o ŋɔ o be ŋɔ, “Kpɔ he bibeŋkpoŋ Aesek haa dɛ nyin o waa la kaa Moria harɛ ta dɛ́ ka kpoo, dɛ́ fuuh ɛ saraha tɛ mɛ. Mɛɛ baɡlee bwejen bɛl haa ka ɛ saraha la o taa.”

Mumpar 22:4

Tɔpetooro wee la, o ha sie nyiŋi dɛ na bela Korowii aa baɡlo la bojaŋ.

Mumpar 22:18

ásɛ a che ba nɛɛ ń tɛ nɛwɛnyina bwa hɛɛra. Mɛɛ ɛ ɡɛɛ dɛkalkɛ, he ɛ waa maa dɛ nyin.”

Josua 8:10

Tɔ aa pera chɔmbibi la, Josua yerɛ o laa tena la cheme, o ne Israel nomonome tɔ ba sie ba valɛ kaa bwɛjen Ai ta.

Josua 3:1

Ate, tɔ aa pera chɔmbibi la, Josua ne Israel tena la le Sitim dɛ ka so Jɔɔdan Moo nyoa tama mɔɔ dɛ ɛɡɛ le o baŋ.