Mumpar 21:33 - mzwDBL

³³ Asɛ Abraham chɔɔ daa bɛl Beɛseeba bela, dɛɛ tomɛ Korowii waa lole saŋ bɛlbwa la bela.

Mumpar 21:33 Referans Kwoze

1 Timoti 1:17

Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.

Aesaya 40:28

Haa jemaa? He ta noɛ yaa? Korowii lole saŋ bɛlbwa. Onee ta harɛ nɔ bwa. Waa koh bwa, waa ɡwɛɡre ɡe. Nomɛlbwa aa won jemɛ o wejema waa dɔa mun bwa.

Yela 90:2

Mɔɔ he ta bwejena kɛɛ harɛ nɔ la, dɛ he ɛ Korowii saŋ bɛlbwa dɛɛ la.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

Mumpar 12:8

Waa le bela la, o kpɔ sie chaɡɛ Bɛtel wee leebɔr. Bela ɛ deŋɡarere harɛ. O kwaa bobɛl dɛ baŋre o tɛnte dea Bɛtel ne Ai baah ta, asɛ Bɛtel do wee cholibɔr, Ai ɡe do wee leebɔr. Belaa o ɛ kon baa kpo kwaa dɛɛ ɛ saraha o ta tɛ Korowii.

Mumpar 4:26

Sɛt ɡe aa baa ir la, o lolɛ bibaa dɛ pa o sɔn Enɔs. Le a ɡɛ saŋee nɛwɛnyina pa mun dɛɛ yerɛ Korowii sɔn dɛɛ tomɔ.

Mmarare 33:27

Korowii waa lole saŋ bɛlbwa dɛ lɛ heya, o nɔn waa do kpeɡri laanee o kpɔ dɛɛ cha heya. Wɛɛ doŋi he dɔmaa le he sie dɛɛ ŋɔ, “Hé chɔɡ ba!”

Tɔn Pɔɔl Aa Chwerɛ Rom Tena 1:20

Dɛ́ le ɡɛ saŋ Korowii aa ta harɛ la, o bwara waa nɛwɛnyini aa wola wone dɛɛ na siwi ne, kɛŋɔ o kpeɡri aa wola jaɡa dɔe ne o dor bwa, o ɡelɔ nɛwɛnyini na a bwa. Nɛwɛnyini wono che Korowii kwaa waa taa ta, dɛ na o kpeɡri ne ɡɛ waa doa. Anomanta, nɛwɛnyini aa won ŋɔ baa jemɛ kɛ Korowii lole.

Emɔs 8:14

Banɔ la baa dɛɛ ŋwɛɛ Samaria voɡa, kɛɛ dɛɛ ŋwɛɛ Dan dea voɡ, kɛɛ voɡ waa lɔ Beɛseeba bwa dɛ́ ba choɡla, baa wola won ir kpa.”

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Sitɔɔla 3:7

Israel tena la ɛ wechɔɡa dɛ jo Korowii nɛ. Ba berɛ habɔɔ kpo Korowii baa dɛ tomɔ la dɛ kaa tomɛ voɡa Baalre ne Asera.

Mmarare 16:21

He bɛ voɡhaah Asera dajaŋa paaɡe ja kon haa ɛo dɛɛ fuh saraha kwaa o ta dɛɛ tɛ Korowii haa dɛ tomɔ nɔ ta.

Mumpar 26:33

Asɛ baa yerɔ Seeba. Anomanta, dɛ ba le fini, ba dɛ yerɛ bwɛɛ la Beɛseeba.

Mumpar 26:25

Belaa Aesek ɛ kon baa ɛ saraha o ta dɛɛ tɛ Korowii bela dɛɛ tomɔ. O baŋre o tɛnte dea, asɛ o bonɔɔna la kwi kɔlɔŋ bela ja.

Mumpar 26:23

Asɛ Aesek ir bela dɛ berɛ kaa Beɛseeba ka so.

Hibru 13:8

Yeesu Kristo aa beɡre. Gɛ waa doa a saŋ la, ɡɛɛ o ta do fini, ɡɛɛ wɛɛ ba doe saŋ bɛlbwa.

Mumpar 21:32

Ba Beɛseeba fɔo nɔ habɔɔ la, Kooro Abemɛlɛk ne Fekɔl berɔ kaa Filisti tena harɛ ta.

Kaala 15:18

N Naa Korowii, hɛɛ di kora saŋ bɛlbwaa dɛɛ la.”

Mmarare 32:40

Maa dɔa ɛ Korowii maa wola sewɛ nɔ, n ir nɔn dɛɛ ŋwɛɛ

Yela 93:2

Saŋ la bwaa he kora le. Mɔɔ wobɛlbwa pa mun la, dɛ he lole.

Habakuk 1:12

N Naa Korowii, saŋ la bwa laa he le ɛ Korowii aa? Henee Korowii maa dɛ tomɛ, Korowii haa do ɡoroŋ la. N Naa Korowii, he le Babelɔn tena, dɛ tɛɛ ba kpeɡri ŋɔ bá ba tɛr ya deŋne, kɛ he do kɛ Bwetal dɛ kpɔ nɔn dɛɛ tɔ ya nɛ.