Mumpar 21:23 - mzwDBL

²³ Anomanta, ŋwɛɛ Korowii kɛŋɔ haa n ne n bii ne naanaree neɡre. Nyiŋi kɛrɛdɛ wedɛɛɡa maa ɛɛ la, ásɛ dɛ kpɔ ɡɛ ɛ n ne harɛ nɔ haa baa so o ta taraken dɛ ɛ hɔɔhra nɔ tena bwa.”

Mumpar 21:23 Referans Kwoze

Josua 2:12

Rahab berɔ ŋɔ ba be ŋɔ, bá ŋwɛɛ Korowii kɛŋɔ dɛ ba dɛ ba dɛ́ ba yo Jeriko tena aa, baa na o ne o lolanar sumii ɡɛ waa na ba sum la. Dɛ ŋɔ ba ɛ we-ɛɛle bɛl ásɛ o na dɛ́ yarada kɛŋɔ

Mumpar 20:14

Asɛ Abemɛlɛk lawɛ peera ne nae, ne yombaala ne yomhaahna dɛ kpɔ tɛ Abraham, asɛ dɛ kpɔ o haah Saara tɛo.

Hibru 6:16

Dɛ nɛn dɛ ba ŋwɛɛra aa, kon waa ɡwaaloo o yon ŋwɛɛ, ásɛ ba jemɛ kɛ kasinteŋii wɛɛ bol, dɛ tɔŋla bɛlbwa teŋo.

2 Kɔrent 1:23

Korowii waa jemɛ n nyu bini bwa la, onee n danseɛ te waa nɔ ta. N fa aa wola Kɔrent balɛ la, maa nyin kɛ n ba chɛɡre heyaa he wechɔɡa waa ásɛ he bambile chɔɡ, a waa n ta balɛ.

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

1 Samoɛl 30:15

Devid bɔɔ Ijipt te la ŋɔ, “Hɛɛ won tɔ n sie dɛ́ la n ne n laa tena nɔ be naa?” O chaŋe ŋɔ, “Ŋwɛɛ Korowii kɛŋɔ haa men kpo kɛɛ haa men le tɛ n dɔɔ, ásɛ n tɔ he sie la he ne ba be.”

1 Samoɛl 20:42

Jonatan ŋɔ Devid be ŋɔ, “Kaa deŋnesɔɔhna ne, ya bwa ŋwɛɛrɔ Korowii sɔn ta ŋɔ, ‘Korowii ɛ ya danseɛ dɛ́ chɔ le tɛ n ne hen, he naanar ne n ɡe naanar baah saŋ bɛlbwa dɛɛ la.’ ” Belaa Devid kaa asɛ Jonatan ɡe berɛ kaa bwɛɛ la ta.

1 Samoɛl 20:17

Jonatan ɡelɔ Devid berɛ kwaa baɡɛ nyoa kɛ wɛɛ dɛɛ nyin o waa kohonaa, dɛkalkɛŋɔ o dɛ nyin Devid waa kɛŋɔ o ɡbaɡba ken.

1 Samoɛl 20:13

Dɛ n mɛɛ dɛ nyini dɛ́ kpoe naa, n ŋwɛɛrɔ kɛ dɛ n ta he be bolɛ dɛ ɡel he dɔ bɔr chwa aa, Kórowii tɛr n deŋne kohona. Korowiirii dɛ́ ja he nɛɛ ɡɛ waa ja he mɛɛ nɛɛ la.

Mmarare 6:13

Hɛ́ɛ duu Korowii dɛ́ɛ tomɛ o ɡbo, dɛɛ baɡɛ nyoa o sɔn ta.

Mumpar 31:53

Korowii ya nabaa Abraham ne Neehɔ aa tomɔ laanee dɛ́ bol ya baah waa dɛ́ pa bole.” Anomanta, Jekɔb ŋwɛɛ Korowii o mɛɛ Aesek aa ɔmɔ dɛ tomɔ la kɛŋɔ wɛɛ teŋɛ waa waa bola la taa.

Mumpar 31:44

Taraken n sɛoh kɛŋɔ n ne he fɔwɛ fɔo. Gel ya pa bwea dawɛ dɔŋa nɛ á baɡle ya fɔo la.”

Mumpar 26:28

Ba chaŋo ŋɔ, “Ya nao kɛŋɔ Korowii teŋɛ he nɛ. Anomanta, ya liiro ŋɔ a chɛ kɛ ya ne he fɔwɛ fɔo. Gel ya ne he fɔwɛ fɔo,

Mumpar 24:3

dɛ́ ŋwɛɛ Korowii waa lɔ nyundua ne harɛ bwa la, kɛŋɔ haa Keenan tena maa soɡe ba baah nɔ bihaahnee nyin tɛ n bie nɔ.

Mumpar 21:24

Asɛ o ŋɔ, “N ŋwɛɛrɔ kɛŋɔ mɛɛ ɛ ɡɛɛ.”

Mumpar 47:31

Anee Jekɔb ŋɔ, “Ŋwɛɛ kɛŋɔ hɛɛ ɛ ɡɛɛ.” Asɛ o ɡe ŋwɛɛ, asɛ Jekɔb ɡuŋi mpa ta dɛ jam Korowii.

Mumpar 39:3

O nomoa la ɡe nao kɛŋɔ Korowii teŋɛ o nɛ dɛ ɡel o wobɛlbwa do wer tɛo.