Mumpar 21:16 - mzwDBL

¹⁶ asɛ dɛ kaa ɡelo dɛ ɛ naɡale lafa del dɛ ka so. O lii o nyu bini ŋɔ, “Maa won che nyiŋi, ásɛ n bie sewɛ n siwi ta.” O soɡe bela dɛ wi kohona.

Mumpar 21:16 Referans Kwoze

Aesaya 49:15

Korowii ŋɔ, “Haah ɛɛ won soh o bilole waa ɔro wa aa? Dɛ nya ɛɛ soh o bie waa yaa, n te aa he waa soeh ba bwa.

Ɛsta 8:6

Ɛrɛɛ mɛɛ ba wona so nyiŋi, ásɛ wechɔɡa nɔ bwa dɔŋa chiɡ n nɛra Juu tena nɛɔ? Maa won so nyiŋi bá kpoo n dem nɛra.”

1 Koranar 3:26

Belaa haah la o bie aa ɛ onɔ la waa wola sewɛ la tea domɔ o ŋɔ, “Akai, N naa kooro, he bɛ on kpo, he kpɔɔ tɛ n dɔŋ la.” Nɛɛte la ŋɔ, “A wer ɡa, waa won ɛ he kon kɛɛ n kon, bɔne o bini tɛ yaa!”

Amanesoma Luk Aa Chwera Tɔn 15:20

Bie la aa lii ɡɛ la, o iro chiɡ ŋwɛnɛ ta dɛɛ kaa o mɛɛ be. Waa dɛ kaa o mɛɛ be la, o mɛɛ lɔ dem dɛ nao bojaŋ, asɛ o tea domɔ, o chwa chemo dɛ ka ɡbaaro pɛl o bambile.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

1 Samoɛl 30:4

Devid ne o laa tena la wio kohona ka tel kɛŋɔ baa koah baa wola won wi kpa.

1 Samoɛl 24:16

Devid aa bol ɡɛ waa nɔ tonɛ la, Kooro Sɔɔl bɔɔro ŋɔ, “He taa nɔ naa, n bie Devid?” Asɛ Kooro Sɔɔl wi kohona.

Rut Tɔn 1:9

Korowiirii dɛ́ cha heya, ásɛ bɛlbwa berɛ dɔ jaa dɛ́ dɔ bodɛɛɡe so.” Belaa o ka mo ba lwɛɛma dɛ kal ba. Asɛ ba pa mun dɛɛ wi,

Sitɔɔla 2:4

Korowii nyundua torome la aa bol waa nɔ baɡle Israel tena la bwa la, ba wio kohona.

Mumpar 44:34

Dɛ bie nɔ ta n nɛɛ teŋaa, ɛrɛɛ mɛɛ ba ɛɛ dɛ́ won la n mɛɛ be nɔ? Maa won ka na wechɔɡa aa dɛ ba n mɛɛ nɛɛ bala.”

Mumpar 29:11

Asɛ dɛ ka ɡbaa Rakɛl pɛl o bambile, dɛ mo o lwɛɛma dɛ wi.

Mumpar 27:38

Esɔ toɔh marɛ o mɛɛ dɛ soŋo ŋɔ, “Amɔ wesoŋa beŋkpoŋ ɡboo he dɔ dɛ tɛ Jekɔb haa wola bɛlee dɔ tɛ n te kpa aa? Soŋe andɛɛɡa tɛ n ɡe.” Asɛ dɛ wi kohona.

Mumpar 21:15

Pur bini nee la baa tonɛ o kpɔ bie la ka bil dajeɡa bɛl lɔɡa,

1 Koranar 17:12

Anee haah la ŋɔ, “N ŋwɛɛ Korowii haa dɛ tomɔ o do le saŋ bɛlbwa kɛŋɔ n ta paanoo dɔe, men tama ne noo tama anee ka vii bini, n ba dɛɛ ba ba nyin daa dɛ́ ka ɛ n ne n bie di. A habɔɔ dɛ́ so lɔr sewɛ.”

Jeremia 6:26

Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.

Emɔs 8:10

Mɛɛ ɡeloo he Tɔpejena dii berɛ lwe, ásɛ he yela ɡoe berɛ wii. Mɛɛ ɡeloo he bwa tɔ lweyale dɛ́ fonɛ he nyuune. Mɛɛ ɡeloo awola do kɛŋɔ nomɛl aa dɛ wi o bibambeŋkpoŋ la, dɛ́ ɛ tɔpechɔɡe ka tonɛ.