Biblia Todo Logo
Bib sou entènèt

- Piblisite -




Mumpar 20:6 - mzwDBL

6 Belaa Korowii ŋɔ o be deera ta ŋɔ, “Kpelaa. N ɡbabir jemɔ kɛŋɔ liichɔɡa laa he lii. Menee lawɛ kpoŋe, ásɛ he bɛ n nɛɛ jo. A waa n ta ɡelɛ he kpɔ he te leɡo la.

Gade chapit la Kopi




Mumpar 20:6
22 Referans Kwoze  

Korowii Israel tena aa dɛ tomɔ laanee ɡela n ta hen wobɛlbwa ɛɛ la. Kɛ n ŋwɛɛrɔ kɛŋɔ dɛ he fe ta warane ɛɛ dɛ ba chem mɛ naa, tɔɔ ne pera Nabal dem baa te bɛlbwa fe aa ka.”


Taraken, Korowii aa lɛɛ le nɛra kpoora dɛ tɔ wel ta nɔ, n ŋwɛɛ Korowii waa lole saŋ bɛlbwa asɛ he ɡe so le nɔ, ó ɡel he dɔma baa dɛ nyini dɛ́ kpo la do kɛŋɔ Nabal ken.


Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.


Jekɔb ne o bii aa dɛ ba bela ira la, Korowii ɡelɔ ɔmee kohona chole nɛra baa lɔ bwɛɛre aa bɛne bela tena bwa nɛ ba ta wone ti ba dɛ ɛɛ ba wobɛlbwa.


O ɡarɔ faah mɛ n kembɔr dɛ beɡra kera fi. Kɛ Korowii ta on ŋwɛnɛ tɛɛ asɛ o won ɛɛ mɛ wechɔɡa bɛlbwa.


Wechɔɡa dɔɔ ba taraken, kɛ aa won dɔ bɔr kohona, nemenɛ kon la waa tɔa ŋwɛnɛ la le mɔɔ.


Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.


Mɛɛ doŋi harɛre nɛra baa lɔ he siee, dɛ́ kpɔ ba harɛre ja he kon ta o berɛ do kan. Hé iro dɛɛ ba men Korowii sie kera atoro la aa, nomɛlbwa aa lii kɛŋɔ wɛɛ ba yo heyaa dɛ́ lɛ he harɛ.


Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,


Anomanta, n ɡel ba deŋnekpeɡ waa tɛɛ ba, ba kaa ɛ anɔ la aa too ba tea.


He ɡbosoroo n ɛ wechɔɡa, dɛ ɛ anɔ la aa wola were he sie. Anomanta, he waa dɔ kasinteŋ, he won bol n waa dɛ́ pa bole aŋwɛnɛ ta, dɛ́ tɛr n deŋne.


Nomɛlbwa toole dɛ dɔ kpeɡri n nɛɛ dem bonɔ nemenɛ on. O ta komɛlbwa ɡe waa lɔ dem bonɔ kpɔe sɔɔh mɛ, nemenɛ he ɡbosoroo dɛkalkɛ o haahnee hen. Ɛrɛɛ mɛɛ ba wona ɛ a ɡɛ wechɔɡa nɔ dɔŋa dɛ́ jo Korowii nɛɔ?”


dɛkalkɛ Saara nomanta, Korowii tɔ Abemɛlɛk dem haahna bwa lol.


Anomanta, o ɡelɔ nyosone o nyoa aa kpeɡa ɛɛ ba ba be dɛ ba tɔɔɡe ba sie, asɛ baa yarada waa aa ɛ nyosone,


He fa chwerɛ tɔn dɛ ba bɔɔ mɛ ŋɔ, dɛ baa ŋɔ waa haahnee mo aa, a wer aa? Baa ŋɔ waa haahnee mo aa, a wer.


“Dɛ nomɛl kpɔ komɛl tɛ o dɔŋ ŋɔ o kpɔ cheɡ, asɛ naate neɡro dɛ kpɔ berɛ o kon kɛɛ dɛ ŋwɛo, kɛɛ dɛ faahro waa, o ɛ wechɔɡa dɛ jo n nɛ.


Ate, kooro la kah nɛra la bwa ŋɔ, bɛlbwa waa leɡe baa nɔ kɛɛ o haah la, a chɛ kɛ ba kpoo.


Atane kɛŋɔ onɔ waa cheɡɛ bodɛɛɡe baa du daa nɔ baah tenten nɔ, Korowii ŋɔ ya bɛ o te leɡe a ba ɛ kɛŋɔ yaa di o nɔnee. Ya diu waa, yaa sewɔɔ.”


Nomoa Paelet aa soɡe o kara ta dɛɛ bol waa la, o haah tomɛ nɛn o be ŋɔ, “Nyiŋi kɛrɛdɛ dɛ bɛ baa la wobɛlbwa ɛ. Nɛndɛɛɡe tentenee. Gɛ maa dee o waa fini nɔ la, a we n nɛɛ taeh.”


Korowii ba Laban be deera ta awola jwaana, dɛ ba ŋɔ o be ŋɔ, “Nyiŋi kɛrɛdɛ dɛ bɛ Jekɔb ba aah ŋwɛnɛ bɛlbwa ta.”


Gɛɛ a do, nomɛlbwa waa lawɛ o dɔŋ haah chɔ la, baa tɛr o deŋne.


Swiv nou:

Piblisite


Piblisite