Mumpar 19:30 - mzwDBL

³⁰ Dɛ Lɔt dɛ ɔmɛ Soar soɡa, anomanta, o ne o bihaahna banɛ la ir bela dɛ kaa deŋɡarere la ta, dɛ ka jo bwebɔɔ bɛl ta so.

Mumpar 19:30 Referans Kwoze

Mumpar 19:19

He sune n nɛɛ kohona dɛ ɡel n dɔ n nyu, kɛ bwea nɔ dor bela haa dɛ baɡle nɔ jaŋne kohona kɛŋɔ, n ne bela tela dɛ siswɛm nɔ puu mɛ n sewɛ.

Jems 1:8

Dɛ naate dɛ soŋe Korowii aa, o bɛ dɛɛ lii kɛŋɔ wɛɛ no o bee.

Jeremia 48:34

Hɛsbɔn ne Eleale tena lɔŋɔre dɛ le, hale aa tel Jahas tena be. A tel Soar tena be, dɛ kpoŋe kaa Horonaim ne Eɡlat Sɛleseya. Hale neerare aa lɔ Nimrim nenabɔɔ bwa hweehrɔ.

Aesaya 15:5

N bambile dɛ wee mɛ Moab tena wa. Nɛra baa soɡe harɛ la ta chwao kaa Soar, hale dɛ ka tel Eɡlat Sɛleseya. Bane teehnɔ kaa Luhit, baa dɛ kaa la bwa, dɛ ba ne wii. Bane chwao kpɔ Horonaim ŋwɛnɛ dɛɛ wi ba chɔɡa wa.

Mmarare 34:3

Korowii berɔ baɡlo harɛ la tenten waa chɔa kaa Nɛɡɛv weekaŋle harɛbɔr Jeriko Fɛlembɔjen, dɛ ka le bwɛɛ Soar harɛ ta.

Mumpar 49:4

He we-ɛɛla do kɛŋɔ nehɛma, he jirima tonɔ. Dɛkalkɛ he lawɛ n hanɛɛte chɔ n chɔɔbɔr, dɛ kpɔ doŋa kah mɛ.

Mumpar 19:17

Belaa Korowii toroma la bini bɛl ŋɔ ba be ŋɔ, “He chwa dɛ́ lɛ he nyu. Bɛlbwa bɛ ke nyiŋi. He bɛ deŋɡarere doa harɛ waa chɔa kaa la ta che, he chwa kaa deŋɡarere dor, dɛ́ dɔ he nyu.”

Mumpar 14:22

Anee Abram chaŋo ŋɔ, “N ŋwɛɛ ntam, Nemenɛ Korowii waa ta nyundua ne harɛ la sie kɛŋɔ,

Mumpar 13:10

Belaa Lɔt ha sie dɛ nyiŋi harɛ la, asɛ dɛ na ɡɛ Jɔɔdan Moo nyoa harɛ aa sɔna ka le Soar harɛ ta, dɛ do wer kɛŋɔ bela Korowii aa du daa Eden bodɛɛɡe ne Ijipt harɛ la ken. Gɛ waa nɔ chiɡo mɔɔ Korowii chɔɡ bwɛɛre ane baa dɛ yera Sodom ne Gomoora la.