Mumpar 18:21 - mzwDBL

²¹ anomanta, mɛɛ la belaa, dɛ́ ɡbabir kpɔ n siwi ka na kɛŋɔ ɡɛ maa dɛ no ba waa la ɛ kasinteŋ, kɛɛ ɡɛ laa a doɔ?”

Mumpar 18:21 Referans Kwoze

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Mumpar 11:5

Asɛ Korowii tu ba harɛ dɛ ba na bwɛjen la ne dejaŋ nɛwɛnyina aa dɛ ma la ɡɛ waa kaa nyundua.

Sefania 1:12

A ɡɛ saŋ mɛɛ kpɔ kandeaa ɡaaɡe Jerusalam bwa, dɛ́ tɛr nɛra baa dɛ lii kɛŋɔ wobɛlbwa ta ban hiaeh, ba nyu bini do ba som la deŋne, dɛɛ lii ŋɔ, ‘Wobɛlbwa aa ɛ wedɛɛɡa kɛɛ anchɔɡa la, Korowii waane laa.’

Maeka 1:3

Hé na! Korowii le o dobɔr waa do ɡoroŋ, dɛ tu baa valɛ bwejena dor.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Josua 22:22

“Ya dɛ soŋe Nemenɛ Korowii waa do kpeɡri, ásɛ o ɛ ya danseɛ, ásɛ Israel tena jemɛ kɛŋɔ saraha kon yaa mao tɛ ya te nɔ ɛ deŋnekpeɡ, kɛɛ dɛ vɛɛh ya vɛoh waa, ó bɛ yaa ɡel fini.

Mmarare 8:2

Hé lii ɡɛ Korowii haa dɛ tomɔ nɔ aa tɔ he sie ŋwɛnɛjaŋ pua hɛŋle ɡbo harɛ ta bene fifraanaarɛ bwa, dɛ daah heyaa na wekpeɡa ne, dɛ tɛr he deŋne he pwɛr he te la. Asɛ a che a ta o won jemɛ he bambili bini kɛ he dɛ teŋɛ o Mmarare waa do heya la ta, kɛɛ haa teŋɛ.

Kaala 33:5

Dɛ Korowii fa ŋɔ Mosis bol Israel tena la be ŋɔ, “He ɛ deŋnekpeɡ nɛra. Dɛ n ŋɔ n ne he kaa laa, dahara bonɔ tentenee n fe kpoo heya. Amɔ bɛlbwa laa o suuɡaswɛm kwaa la kpɔ, ásɛ mɔɔ n na ɡɛ maa ɛ heya.”

Mumpar 11:7

Korowii aa bera kaa nyundua la, o ŋɔ, “Amɔ hé ɡel ya tu kaa harɛ ta ásɛ dɛ ka beɡre ba wobol, ásɛ bane kapa bɛ ba dɔŋa wobol no kpa.”

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

1 Tesalonika 4:16

dɛkalkɛŋɔ ya Dɔɔ la ɡbabir ɛɛ le nyundua dɛ́ tu ba, dɛ́ ba yerɛ o nɛra takpeɡ ne, ásɛ o nyundua toroma nomoa ɡe yerɛ, Korowii bɛla si tɔ o sie, ásɛ banɔ la baa yarada Yeesu Kristo mɔɔ dɛ serewe la ir,

2 Kɔrent 11:11

Maa dɛ ŋɔ ken nɔ, a ta ɛɛ kɛŋɔ maa heyaa nyin. Korowii ɡbabir jemɔ kɛŋɔ n dɛ nyin heya.

Amanesoma Jɔn Aa Chwera Tɔn 6:38

dɛkalkɛŋɔ n ɡbaɡba tetoowa waa laa n le nyundua ba. Naate waa tom mɛ la tetoowa waa n ba.

Amanesoma Luk Aa Chwera Tɔn 16:15

Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

Jeremia 17:1

Korowii ŋɔ, “Juda tena, ba kpɔ buni chwerɛ he wechɔɡa dawɛ he bambili ta, dɛ kpɔ kwɛrboɔ dia ɡwine dawɛ nyeɡlare aa paaɡe saraha kwaa loŋkoni la ta.

Yela 90:8

Ya wechɔɡa chɔ he sie, hɛɛ na anɔ la yaa ɛa dɛɛ sɔh bwa.

Job Tɔn 34:22

Bɔr bira toole, biro toole bobɛlbwa, dɛ́ tɔ wechɔɡ-ɛɛra nɛ ba kpɔ ba te sɔh Korowii.

Mmarare 13:3

he bɛ a ɡɛ nɛn la be no. Korowii haa dɛ tomɔ nɔ dɛ daah heyaa, dɛ́ na kɛŋɔ he dɛ nyinu he bambile bwa ne he hweera bwa ne kɛɛ.

Mumpar 18:17

Anee Korowii ŋɔ, “Amɔ ń kpɔ waa maa dɛ ba ɛɛ nɔ sɔh Abraham kɛɛ?

Yela 14:2

Korowii lɔ nyundua, dɛ ba sie ne harɛ, dɛɛ nyiŋi nɛwɛnyina kɛŋɔ bɛl dɔ wejema dɛɛ nyin o Korowii bɔr dɛ́ tomɔ.

Mumpar 6:12

Korowii aa nyiŋi nɛra la, o nao kɛ ba bwa ɛ wechɔɡa, dɛkalkɛ bɛlbwa dɛ ɛ ɡɛ waa dɛ nyin dɛ nyoɡre Korowii ŋwɛnɛ.

Jona 1:2

“Le he harɛ ta, dɛ́ la bwɛjen Niniwe ta, dɛ́ ka di ba kasinteŋ ŋɔ ba wechɔɡa baa dɛ ɛ la le n mee.”