Mumpar 15:15 - mzwDBL

¹⁵ Kɛ he te la, he nyumpona ɛɛ too kpelkpel ken mɔɔ he sewɛ bambisɔɔhna ne bá huɡe.

Mumpar 15:15 Referans Kwoze

Job Tɔn 5:26

Hɛɛ dɔ mkpajaŋee, he bwara ta do kpeɡri mɔɔ he sewɛ, kɛŋɔ mea yon be kɛrɛdɛ mɔɔ ba koma la.

2 Webena 34:28

Anomanta, mɛɛ ɡeloo he sewɛ deŋnesɔɔhna ta ka pu he naawa. Haa deŋnetɛra kohona men Korowii aa dɛ ba a ne bala ba ta nɛra baa soɡe harɛ nɔ ta laanee na.” Asɛ toroma la ka ŋɔ waa la Kooro Josia be.

Nɛra Kura 27:13

Dɛ he kaa na harɛ la tonaa, he ɡee sewɔɔ ka ja he nɛra nɛɛ ɡɛ aa pu he dɔɔ Arɔn la.

Daneɛl 12:13

Kɛ hen Daneɛl, he te kaa, di kasinteŋ ka tel waa bwa jaɡa saŋ. Hɛɛ sewɔɔ kɛ hɛɛ iruu, dɛ́ dɔ he kembɔr waa bwa jaɡa saŋ.”

We-ɛɛla 13:36

Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh.

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Job Tɔn 42:17

Anomanta, waa sewa dɛ o biɡro kɛrɛdɛ.

1 Webena 29:28

O biɡro kɛrɛdɛ mɔɔ dɛ ba sewɛ, dɛ o dɔ kondɔɔh ne jirima kɛrɛdɛ, asɛ o bibaa Solomɔn chiɡ o naa ta, dɛ di kora.

Sitɔɔla 2:10

Josua ne o nɛra la kapa aa baa serewe la, bane ɡe iro dɛ baa jemɛ kɛ Korowii lole, á ba ɛ kɛ baa na waa waa ɛa tɛ Israel tena laanee.

Mumpar 49:29

Ate, Jekɔb berɛ ŋɔ o bii la be ŋɔ, “Taraken, n dɛ ba sewa. N baa sewaa, hé ka huɡ mɛ n mɛɛwa huɡri bɔr o fa aa lɔ Hiti te Efron koo ta.

Nɛra Kura 20:24

“Arɔn ɛɛ sewɔɔ ka pu o naawa. Waa harɛ maa baɡɛ Israel tena nyoa la taa tel. He nɛra banɛ nɔ ɛ lwɛmkpeɡ waa maa do heyaa a ta Mɛreba la.

Mumpar 35:29

mɔɔ dɛ sewɛ. Asɛ o bii Esɔ ne Jekɔb huɡo.

Matiu 22:32

O ŋɔ, ‘Menee Korowii Abraham ne Aesek dɛ Jekɔb aa tomɔ la.’ Lala laa dɛɛ tomɛ Korowii, weeraa dɛɛ tomɔ.”

Wejereme 6:3

Dɛ nomɛl soɡo biɡri dɛ dɔ bii lafa, kɛ o soɡa dɛ biɡri bwa habɔɔ, dɛ o ta wone dɔ silɛɛ o kondɔɔh waa dɔa ta, dɛ sewɛ ba huɡo kɛrɛdɛ naa, amɔ dɛ bie baa haro ta kwaraa ɡwaalo.

Yela 37:37

Hé nyiŋi nɛra ba wa aa toɡra na, ba dɔ deŋnesɔɔhna ba kerekere soɡa bini.

1 Webena 23:1

Kooro Devid aa baa hwɛɛh kohona la, o kpɔ o bibaa Solomɔn cheɡ Israel kora ta.

Mumpar 50:13

Ba cheɡɔɔ kaa Keenan harɛ ta, dɛ ka huɡo bwebɔɔ waa lɔ Makpɛla. O bɛne Mamre wee leebɔr koo Abraham aa yawɔ le Hiti te Efron be dɛ kpɔ ɛ huɡri bɔr la.

Mumpar 49:31

Belaa ba huɡe Abraham ne o haah Saara. Dɛ huɡe Aesek ne o haah Rebɛka ɡe. Belaa n huɡe Lea ɡe.

Mumpar 23:19

A habɔɔ la, Abraham huɡe o haah Saara bwebɔɔ la ta. Belaa baa yerɛ Hɛbrɔn, o do Keenan harɛ ta la.

Mumpar 23:4

“N ɛ hɔɔh dɛ ba pu heyaa so, bonɔ laa n le. Anomanta, hé tɛ mɛ harɛ asɛ n yawɛ dɛ huɡe n haah.”

Mumpar 47:30

N dɛ nyin kɛ he ka huɡ mɛ bela baa huɡe n mɛɛwa. Kaa n ne bela ka huɡe.” Asɛ Josef sɛh ŋɔ, “Mɛɛ ɛ ɡɛɛ.”

Mmarare 31:16

Asɛ dɛ ŋɔ Mosis be ŋɔ, “Aa biɡri bɛlbwa ásɛ he chɔ he banɔn ta. A ba ɡɛ naa, nɛra haa tɔ ba sie nɔ ɛɛ chɔɡ fɔo n ne baa fɔwa laanee. Baa le n habɔɔ, dɛ́ ka tomɛ harɛ baa dɛ ba o ta joe nɔ voɡaa.

Yela 49:19

wɛɛ sewɔɔ ka pu o naawa, waa wola bɔr chaahnaa na kpa.

Job Tɔn 41:32

O pere nee dɛɛ kaa laa, nehɛma dɛ to teŋɛ o nɛɛ kɛŋɔ nyumpompoŋa ken.