Mumpar 14:19 - mzwDBL

¹⁹ dɛ soŋe andɛɛɡa tɛo ŋɔ, “Nemenɛ Korowii waa dɔ komɛlbwa kpeɡri dɛ ta nyundua ne harɛ la kwaa he kwaa tɛɛ.

Mumpar 14:19 Referans Kwoze

Mumpar 14:22

Anee Abram chaŋo ŋɔ, “N ŋwɛɛ ntam, Nemenɛ Korowii waa ta nyundua ne harɛ la sie kɛŋɔ,

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Ɛfesos 1:6

O Binyini la waa o sune ya nɛɛ dɛ ta tea dɛ cha yaa ɡɛ, ásɛ nɛra won kpɛɛro ya sum waa dɛ na kohona la wa.

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Yela 24:1

Korowiirii dɔ harɛ nɔ ne komɛlbwa aa lɔ o ta, hale nɛwɛnyina bwa sekwara.

Rut Tɔn 3:10

Asɛ Boas ŋɔ, “Korowii tɛɛ hɛɛra. He baɡle he nyina ɡwaa ɡɛ haa ɛa tɛ he helahaah la kwara. Bonɔɔna nɛɛ chɛ kɛ he fe ɛɛ pɛlɛ, hale ba dɔ suuɡa kɛɛ ba nyao. Kɛ he ta an ɡɛ ɛɛ.

We-ɛɛla 16:17

A ɡɛ bitolo la do lɔŋɔre teŋɛ ya ne Pɔɔl nɛɛ dɛɛ ŋɔ, “Nemenɛ Korowii tomɛ nɛra nɔ he be la! Waa haa ɛ ásɛ Korowii lɛ heyaa laanee baa bol la!”

Amanesoma Luk Aa Chwera Tɔn 10:21

Gɛ saŋ dɛ Korowii Domadɛɛɡe la ir Yeesu nɛɛ dɛ ɡel o sie lɛ, asɛ o ŋɔ, “N Mɛɛ, nyundua ne harɛ bwa Dɔɔ! N dɛ jaame kɛŋɔ haa kpɔ waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ. Jam, n Mɛɛ. Gɛɛ wera he be.”

Maeka 6:6

Bɔkwaa mɛɛ ba kpɔe ba Korowii waa dɛ di kora nyundua sie ba tomɔ wɔ? Ń kpɔ nabiiri aa di benanyoa ba fuah ɛ saraha o sie naa?

Yela 115:16

Korowii kpɔ nyundua ɛ o dobɔr, dɛ kpɔ harɛ nɔ tɛ ya nɛwɛnyina.

2 Samoɛl 2:5

o tomɛ toroma Jabes Gelead baala la be ŋɔ, “Korowii swee heyaa andɛɛɡa kɛ haa nyin he dɔɔ Kooro Sɔɔl dɛ huɡo nɔ.

Mumpar 49:28

Gɛɛ Israel deene fi dɛ anɛ la waa do. Gɛɛ ba mɛɛ Jekɔb bol ɡɛ saŋ waa sweera tɛɛ ba la.

Mumpar 47:10

Asɛ Jekɔb swee andɛɛɡa tɛ kooro ja dɛ kpɔ kalo.

Mumpar 47:7

Belaa Josef ka kpɔ o mɛɛ Jekɔb ba baɡle kooro la, asɛ Jekɔb swee andɛɛɡa tɛ kooro,

Mumpar 27:4

dɛ́ ba daa n pɛla kondikwaa tɛ mɛ n di, ásɛ n soŋe andɛɛɡa le Korowii be tɛɛ mɔɔ dɛ́ sewɛ.”

Amanesoma Mak Aa Chwera Tɔn 10:16

Asɛ o kpɔ bii la, dɛ kpɔ o nɔɔra dawɛ ba nɛɛ dɛ swee ba andɛɛɡa.

Yela 50:10

dɛkalkɛ kpɔɡ bini ola bwa ɛ n kwa, a ne nae aa lɔ deŋɡarere kaɡboŋa ta bwa.

Mumpar 24:3

dɛ́ ŋwɛɛ Korowii waa lɔ nyundua ne harɛ bwa la, kɛŋɔ haa Keenan tena maa soɡe ba baah nɔ bihaahnee nyin tɛ n bie nɔ.

1 Samoɛl 15:13

Samoɛl aa tel o be la, Kooro Sɔɔl ŋɔ, “Korowii swee andɛɛɡa tɛɛ! N ɛ waa Korowii aa do mɛ ŋɔ ń ɛ la.”

Mmarare 10:14

Nyundua ne harɛ ne komɛlbwa aa lɔ o ta bwa ɛ Korowii haa dɛ tomɔ nɔ kwa.

1 Webena 29:11

Henee kana dɛ do kpeɡri, dɛ dɔ jirima dɛ dɔ sɔn kohona, dɛkalkɛ kwaa aa lɔ nyundua ne harɛ bwa ɛ he kwa. Henee dɛɛ di kora, dɛ ɡwaa nomɛlbwa.

2 Webena 31:8

Kooro Hɛsɛkea ne o nomonome aa baa na ɡɛ koŋkɛɛla la aa daŋa chɔ la, ba kpɛɛ Korowii, dɛ swee andɛɛɡa tɛ o nɛra Israel tena.

Yela 115:15

Korowii waa ta nyundua ne harɛ la, swee heya andɛɛɡa.