Mumpar 13:1 - mzwDBL

¹ Asɛ Abram kpɔ o haah ne komɛlbwa waa dɔa le Ijipt harɛ weekaŋle nyunduabɔr, dɛ kaa Keenan harɛ weekaŋle harɛbɔr. O kpɔ Lɔt ja ba kaa.

Mumpar 13:1 Referans Kwoze

Josua 10:40

Josua pɔ harɛre la bwa nɛ, bwɛɛre aa lɔ deŋɡarere ta ne Nɛɡɛv, ne anɔ la aa lɔ wee cholibɔr, ne anɔ la aa lɔ mpo nyoa pua hɛŋle ɡbo harɛ ta, ne anɔ la aa chɔ bwea lɔɡre ne a koranar bwa. Nomɛlbwa ta o nyu dɔe. Ba kpo hweera kon te bɛlbwa. Gɛ Korowii Israel tena aa dɛ tomɔ aa doo laanee o ɛ.

2 Samoɛl 24:7

Ate, ba berɛ teŋe kpɔ bwɛjen Taaya danjwɛkpeɡ baa maa baro bɔr, dɛ kaa Hivi tena bwɛɛre ne Keenan tena harɛ bwɛɛre ta bwa. Ba berɔ la Beɛseeba waa lɔ Juda harɛ weekaŋle harɛbɔr, pua hɛŋle ɡbo harɛ ta.

1 Samoɛl 27:10

Kooro Akis bɔɔro ŋɔ, “Leperaa he ka yo dɛ pa laala fini naa,” ɡɛɛ Devid yon ŋɔ o be ŋɔ, “N kaa yo Juda weekaŋle harɛbɔr tena” kɛɛ “Jeramiil dea harɛ tena,” kɛɛ “Ken harɛ tena.”

Josua 18:5

Hé bɔne harɛ la bini bɔre anuanɛ tɛɛ ba. Juda dea tena so ba harɛ ta weekaŋle harɛbɔr, ásɛ Josef naanar ɡe so ba harɛ ta weekaŋle nyunduabɔr.

Mumpar 21:33

Asɛ Abraham chɔɔ daa bɛl Beɛseeba bela, dɛɛ tomɛ Korowii waa lole saŋ bɛlbwa la bela.

Mumpar 20:1

A habɔɔ la, Abraham kpɔ sie chaɡɛ weekaŋle harɛbɔr pera bobɛl pua hɛŋle ɡbo harɛ baa yerɔ Nɛɡɛv, dɛ ka so Kades ne Suur baah ta. O berɔ ka so Gerar ɡe tama.

Nɛra Kura 13:17

Waa tom ba ŋɔ bá ka sɔh nyiŋi Keenan harɛ la, o ŋɔ, “Hé kpɔ Nɛɡɛv pua hɛŋle ɡbo harɛ weekaŋle nyunduabɔr, dɛ́ kaa deŋɡarere harɛ la ta.