Mumpar 10:6 - mzwDBL

⁶ Ham bibaala waa lol ba laanee, Kus ne Misraim ne Put dɛ Keenan. Ba sɔna nɔ cheɡɔ tɛ ba naanar sɔna.

Mumpar 10:6 Referans Kwoze

Ɛsekeɛl 27:10

Pɛɛsea ne Lidia dɛ Put harɛre baalaa ɛ he laa tena. Ba kpɔ kwaa baa kpɔa dɛɛ tɔ ba te ɡbemɡbe, ne buni ɡbɛrɛre saɡɛ he danjwɛɛre ta, dɛ ɡel he dɔ sɔn ne jirima.

Jeremia 46:9

Jaɡre ne kwaa aa do kɛ torɔɡore ba vɔwɛ dɛɛ pɛla, hé le dɛ́ ka yo. Nɛra haa soɡe jaɡre ta, hé kpɔ sibeɡra le. Banyoola, hé le dɛɛ kaa, Itiopia ne Lebya harɛre baala, hé kpɔ kwaa baa kpɔa dɛɛ tɔ ɡbemɡbe dɛɛ yo laa kpoŋe, ásɛ Lidia baala harɛ ba tori.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Yela 106:22

Nyokpowaa haa ɛa Mposwɛm ta, ne ɔmewaa haa ɛa bela kan kohona.

Yela 105:27

Ba kaa ɛ nyokpowaa ne wekpeɡa ba bini Ijipt harɛ ta.

Yela 105:23

Ate, Jekɔb ne o bii ir dɛ kaa Ijipt harɛ ta ka so kɛŋɔ hɔɔhra ken.

Yela 78:51

O kpoo Ijipt harɛ bibanloɡla, dem bɛlbwa ta.

1 Webena 4:40

Ba dɔ harɛdɛɛɡe waa wera tɛ ba peera, dɛ harɛ la paɡri, deŋnesɔɔhna ɡe do o ta, dɛ sɔɔh. Dɛ Ham tena bini bane fa soɡe bela.

Mumpar 9:22

Asɛ o bibaa Ham, waa ɛ Keenan mɛɛ la, na kɛ o mɛɛ chɔ mumɡbal, asɛ o le dɛ ka taa baɡle o bala banɛ la.

Mumpar 9:18

Nowa bibaala baa ja o nɛɛ dɛ le ɡbera la bini laanee Sɛm ne Ham dɛ Jafɛt. Dɛ Ham bibaa sɔne Keenan.

Mumpar 10:5

Ba biirii nɛra baa peɡra dɛ ka so neerare nyoo, asɛ bɛlbwa dɔ ba wobol dɛ so ba harɛre ta.

Ɛsekeɛl 38:5

Baala baa le Pɛɛsea, ne Itiopia, dɛ Libya harɛre ta bwa ɛɛ ba ja o nɛɛ, dɛ́ kpoŋe kwaa baa kpɔa dɛɛ tɔ ba te ɡbemɡbe laa ta, ne bune ɡbɛrɛre.

Mumpar 2:13

O kpal nɛɛte la sɔne Gehɔn Moo. O palɔ dɛ ɡoli kpɔ Kus harɛ ta.

Mumpar 5:32

Nowa ɡe aa baa kpeɡ dɛ di bene lafraanue la, o lolɛ bibaala batoro, asɛ dɛ pa bɛl sɔn Sɛm, bɛl ɡe Ham, asɛ toorote la ɡe Jafɛt.