Mumpar 1:31 - mzwDBL

³¹ Anɔ bwa habɔɔ la, Korowii nyiŋi kwaa waa taa la bwa dɛ na kɛŋɔ a bwa wer kɛrɛdɛ. Asɛ bɔr jo dɛ chaah, onee tɔpere waa teŋa numɛl.

Mumpar 1:31 Referans Kwoze

1 Timoti 4:4

Korowii kontaala te bwa wer. Dɛ ya kpɔ jam tɛo mɔɔ dɛ lɛa te naa, ate dɛ komɛlbwa ta vɛɛh doe,

Yela 104:24

N Naa Korowii, he cheɡɛ he wejema ta, dɛ ɛ wejena taeh, harɛ nɔ bwa su he kontaala haa taa.

Kaala 20:11

Tɔpera anumɛlee n kpɔ ta nyundua ne harɛ, mpo ne koŋkwaa aa lɔ o ta bwa, asɛ dɛ onɛ tɔpere waa teŋa nuanɛ la ta. A waa n ɡel Ona Tɔpere la ɛ tɔpedɛɛɡe dɛ ɡel o do ɡoroŋ.

Yela 104:31

N dɛ soŋe kɛŋɔ, N Naa Korowii jirima do le saŋ bɛlbwa dɛɛ la! N dɛ soŋe kɛŋɔ, o sie lɛ kwaa waa taa la ta.

Wiile 3:38

Nemenɛ Korowii nyoa laa wechɔɡa ne wedɛɛɡa bwa do aa?

Job Tɔn 38:7

Awola chɔmbibii la weweela ɡo yela kɛŋɔ nɛra ken, nyundua toroma ɡe sie lɛ dɛɛ dooɡe lɔŋɔre.

Mumpar 2:2

Tɔpenuanɛ te ne tela la, dɛ o tonɛ o toma bwa. Anomanta, o onɔ tɔpenuanɛ te la ta.

Mumpar 1:23

Asɛ bɔr jo dɛ chaah, onee tɔpere waa teŋa nue.

Mumpar 1:8

Asɛ o pa bɔr waa chɔ a baah ta la sɔn . Asɛ bɔr jo dɛ chaah. Onee tɔpere waa teŋa nɛɛ.

Mumpar 1:5

dɛ pa bochaah la sɔn asɛ dɛ pa biro la ɡe sɔn . Asɛ bɔr jo dɛ chaah. Onee tɔpere waa tɔ sie.

Mumpar 1:19

Asɛ bɔr jo dɛ chaah, onee tɔpere waa teŋa naarɛ.

Mumpar 1:13

Asɛ bɔr jo dɛ chaah, onee tɔpere waa teŋa tooro.

1 Timoti 4:5

dɛkalkɛ ɡɛ haa jam Korowii la ne Korowii ɡbaɡba wobol la won ɡela a do wer Korowii be ásɛ nɛn di.

Kaala 31:17

Onee dɛ́ do n ne Israel tena baah dɛɛ lii yaa saŋ bɛlbwa, dɛkalkɛ tɔpera anumɛlee men Korowii kpɔ ta nyundua ne harɛ, asɛ dɛ ɡel toma ɛɛ dɛ onɛ tɔpenuanɛ wee la ta.”

Yela 104:28

He dɔɔ dɛ tɛa aa, anee á ɡe dɔ di, he nɔn ta kondikwaa a dɔ di dɛɛ vaɡɛ.

Yela 119:68

He waa wer, he wobɛlbwa ɡe wer, chaɡ mɛ he waa la.

Sɛɡla 16:4

Wobɛlbwa Korowii aa ɛ la, dɛ waane waa dɛ nyin waa o ɛa. O ɡelɔ wechɔɡ-ɛɛra ɛɛ so le, ka tel saŋ baa dɔ deŋnetɛra.

Wejereme 3:11

O ɡelɔ komɛlbwa do wer o saŋ ta. O ɡelɔ ya jemɛ ya liire bini waa aa lole saŋ la, ne anɔ la aa chiɡ kerekere saŋ bɛlbwa dɛɛ la, kɛ yaa won no waa bwa Korowii aa ɛa le mumpar kaa a jaɡa mun.

Mumpar 2:3

Anomanta, o le tɔpenuanɛ la cheɡ tɛ o te, o do ɡoroŋ dɛ sweero andɛɛɡa, dɛkalkɛŋɔ o taa o ɡel toma ɛɛ kwaa waa taa la bwa ta.

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.