Mumpar 1:2 - mzwDBL

² A ɡɛ saŋ la dɛ harɛ ta mar dɔe, dɛ komɛlbwa toole o ta. Dɛ nee tɔ komɛlbwa ta asɛ bɔr bir kpirkpir ken, asɛ Korowii Doma do nee la sie dɛ la dɛɛ ba.

Mumpar 1:2 Referans Kwoze

Jeremia 4:23

N nyiŋi harɛ nɔ dɛ o ta mar dɔe, komɛlbwa toole o ta, asɛ nyundua ɡe, kwaa aa dɛ chaah bɔr toole.

Yela 104:30

Hweeraa he hwee do a bini dɛ taa, dɛ ɡel kwaa haa taa bwa dɔ mkpa harɛ ta.

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Yela 33:6

Nyoa wobol nee Korowii ta nyundua, ne kwaa aa lɔ nyundua bwa.

Job Tɔn 26:7

Korowii paɡri weekaŋle nyunduabɔr bɔle, bela komɛlbwa aa wola toole, o ta ɡelɛ harɛ saɡɛ komɛlbwa ta o lawɔ kpoŋe.

Job Tɔn 26:14

Waa waa ɛa la bini tamaa la, a bini wetama anee ya no. Umee dɛ́ won jemɛ kpela, ɡɛ Korowii kan ne o kpeɡri aa doa ɔ?”

Neehum 2:10

Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Mmarare 32:11

Korowii dɛ nyiŋ ba kɛŋɔ kee yon dɛɛ baɡle o bii ira, dɛ́ ir kpɔ kena tɔ a nɛɛ a bɛ ba le la, ɡɛɛ o ɛ Israel tena.

Job Tɔn 38:9

dɛ kpɔ baama tɔ o ta, dɛ kpɔ biro tenten fɔrɔwo,

Yela 104:6

He kpɔ mpo bɔle o ta kɛŋɔ yal ken, asɛ nee la bɔle bwejena ta.

Yela 136:6

Onee ta harɛ o chɔŋɛ neerare sie. O nyina lole saŋ bɛlbwa dɛɛ la.

Yela 148:7

Harɛ nɔ ta kwaa ne mpo bini oljena ne mpo vile bwa, hé kpɛɛro.

Sɛɡla 8:24

O ta mɛ mɔɔ dɛ ta mpore, ne nee nyuune.

Aesaya 31:5

Gɛ jumbii yon ɡah dɛɛ bar a bii nɛɛ a kɔne ta dɛɛ tɔa ɡbemɡbe la, ɡɛɛ men Koranar Bwa Kooro ɛɛ ba Jerusalam tena daahna. Mɛɛ daah baa, mɛɛ nyiŋi ba nɛɛ dɛ́ yo lɛɛ ba.”

Job Tɔn 41:32

O pere nee dɛɛ kaa laa, nehɛma dɛ to teŋɛ o nɛɛ kɛŋɔ nyumpompoŋa ken.