O ɡelɔ daa bwa soo siwi le bela dɛ do wer siwi ta a nɔna dɔ pɛla kɛŋɔ nɛn di. Daa anɛ ane cheɡɛ konduula la baah ta. Bɛl dɛ tɛ mkpa, bɛl ɡe ɡel nɛn ɛɛ jemɛ wedɛɛɡa ne anchɔɡa.
Kpɔɡa haa naa a do wer fini, ásɛ kere ɡbo dɛ a serewɔ bá fuah nɔ, dɛ Korowii ɡelɔ a do wer ken naa, ɛrɛɛ waa wola won tɔ heyaa yal ɡwaala ɔ? He yarada aa kanɛ kwara!
Yabala, fig da ɛɛ wonoo nɔnɛ sombie aa, kɛɛ bambi ɛɛ wonoo nɔnɛ fiɡ nɔna aa? Gɛ tentenee nenabɔɔ o nee aa do nyɛɡre la aa wola won berɛ do som buɡ ta tenten.
He do kɛŋɔ daa. Daa bɛlbwa waa wola nɔndɛɛɡa nɔnɛ la, baa teŋoo ta dɛ́ fuuh. Gɛɛ Korowii ɡe ɡɔɔ o kpanfɛ nɛra baa wola ba liire charɛ la nɛɛ dɛɛ ba ba teŋna ta, dɛ́ kpɔ ba do nii ta bá fuh.
Naate ɛɛ doo kɛŋɔ daa baa duu nee nyoa, o dɛ ta lune kaa nee la ta. Hwel cheɡɔ waa, aa on wobɛlbwa ɛ, dɛ o te ta dɔ papooni. Bwaala ta nɛɛ benanyobir kwaraa naa, dɛ o ta won nɔna.
