Amanesoma Mak Aa Chwera Tɔn 9:43 - mzwDBL

^43-44 Dɛ he nɔn ɛɛ neɡree he ɛ wechɔɡa aa, teŋo ta, dɛkalkɛŋɔ he kpoŋe nɔmbeŋkpoŋ dɛ dɔ Korowii be kaa bɔ haa kpoŋe nɔɔra anɛ dɛ kaa Bɔnsam nii aa wola dime bwa la ta.

Amanesoma Mak Aa Chwera Tɔn 9:43 Referans Kwoze

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Hibru 12:1

Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.

Matiu 5:22

Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Taetos 2:12

Anomanta, ɡɛ dɛ baɡle kɛŋɔ a wer kɛ ya laa sie kpɔ wechɔɡa bɛlbwa ne harɛ nɔ ta pɛlchɔɡa la bwa ta, dɛ́ dɔ nfɛrɛ, dɛɛ ɛ waa aa toɡra, dɛɛ ɔmɛ Korowii ya bere nɔ ta,

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

Tɔn Pɔɔl Aa Chwerɛ Rom Tena 8:13

dɛkalkɛŋɔ dɛ nɛn teŋɛ nɛwɛnyini mar wechɔɡa aa suu nɔ pɛla waa ta naa, waa mkpa dɔe ba. Kɛ dɛ nɛn cheɡɛ Korowii Domadɛɛɡe la nɛɛ dɛ vɛh o bwadabii pɛla wobɛlbwa naa, wɛɛ dɔ mkpaa.

Amanesoma Luk Aa Chwera Tɔn 14:13

Dɛ he ɛ ɡɛ kondikwaa nɔ soo siwi aa, yerɛ nyaara ne boobie ne nɛra ba nakpale aa teŋna, ne nyoŋa bá ba di,

1 Pita 2:1

Anomanta, hé le wechɔɡa bɛlbwa kɛŋɔ dɔŋa neɡra bɛlbwa, ne nɛra sie nyiŋa dɛɛ ɛ wa, ne bɔweela dɛ nɛra waa bola bɛlbwa sese ta.

1 Kɔrent 9:27

N dɛ lawɛ n te, dɛɛ haŋre kɛrɛdɛ kɛ, n ɡbaɡba maa dɛ bol Amanesoma nɔ dɛɛ baɡle nɛra nɔ, n bɛ ba koni dɛ́ horɛ.

Amanesoma Luk Aa Chwera Tɔn 14:21

Asɛ bonɔɔ la la dɛ ka ŋɔ o dɔɔ la be ɡɛ baa bola la. Anee o dɔɔ la baah di, o ŋɔ o bonɔɔ la be ŋɔ, ‘Ɛ warane kaa fɔɡbaah ne lomoola ta, dɛ́ ka yerɛ nyaara ne boobie ne nyoŋa ne nɛra ba nakpale aa teŋna ásɛ ba ba di kwaa la.’

Aesaya 1:31

Bokpeɡa tena ɛɛ ɛo kɛŋɔ daa aa hola ken, asɛ ba toma baa toma ɡe do kɛŋɔ nii ken. Kombele anɛ nɔ bwa ɛɛ pɛo dɛɛ fuh nomɛlbwa aa wola won dima.”

Jeremia 4:4

Hɛɛ teŋɛ fɔo he ne men Korowii haa dɛ tom mɛ aa fɔwa la ta, dɛ́ kpɔ he te bwa tɛ mɛ, he Juda ne Jerusalam tena bwa. Gɛ laa aa, n baah ɛɛ diu kohona, he wechɔɡa haa ɛa la wa, ásɛ nomɛlbwa aa won sɔɔh o nyoa.

Matiu 17:27

Kɛ maa wola nyin kɛ yá jo ba nɛɛ nomanta, la moo ta, dɛ́ ka ta ɡoŋa. Pɛŋe bɛlbwa waa tɔ sie ba tɛr ɡoŋa la, lɔɔ le baŋ dɛ́ nyiŋi o nyoa bini. Hɛɛ na suuɡa bwe waa tel n ne he bwa toɔ laanee, ásɛ he kpɔ ka bɔ tɛ ya bwa.”

Amanesoma Luk Aa Chwera Tɔn 3:17

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Job Tɔn 20:13

ba ɡelɔ a do bela biɡri, a som la nomanta, a yon ka do ba kaŋa bini.