Amanesoma Mak Aa Chwera Tɔn 9:29 - mzwDBL

²⁹ Anee Yeesu ŋɔ, “Korowii soŋa ɡboo won a ɡɛ kwaa nɔ doŋa.”

Amanesoma Mak Aa Chwera Tɔn 9:29 Referans Kwoze

Jems 5:15

Dɛ ba kpɔ yarada dɛ soŋe Korowii aa, weela te la ɛɛ dɔ bokpeɡaa. Ya Dɔɔ la ɛɛ ɡeloo o bwara do kpeɡri. Dɛ wechɔɡa anee o ɛ kwaraa naa, Korowii ɛɛ kpɔɔ kɛo.

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

Daneɛl 9:3

Asɛ n kpɔ lweyal tɔ dɛ so tɔɔ ta, a baɡle kɛ n dɛ di suna, dɛ vɔwɛ nyoa dɛɛ soŋe Korowii.

Ɛfesos 6:18

Hɛ́ɛ soŋo harɛ bini soŋa nɔ bwa. Hé che Korowii Domadɛɛɡe la kpeɡri ta, dɛ́ɛ soŋo saŋ bɛlbwa. He bɛ dom dɛɛ chɔ. Hɛ́ɛ soŋe Korowii saŋ bɛlbwa dɛ́ɛ tɛ o nɛra la bwa.

2 Kɔrent 12:8

Kera atoro bwaa n soŋe Korowii kɛŋɔ o laa a ɡɛ waa nɔ kpɔ n nɛ,

2 Kɔrent 11:27

N ɛ toma dɛ koh kɛrɛdɛ. A kɛrɛdɛ ta, dɛ maa dom chɔ. Lɔr ne nyɔɡre ɡe kpo mɛ kɛrɛdɛ. N vala kɛrɛdɛ ta, dɛ teloɡaa mɛɛ chɔ, dɛ busee mɛɛ chɔ, dɛɛ chɔ waa.

Amanesoma Luk Aa Chwera Tɔn 11:26

Gɛɛ o yon la ka kpɔ o bala anuanɛ aa ɡwaalo kwara. A bwa yon ba so naate la nɛ, dɛ́ chɔɡ o da ɡwaa ɡɛ o fa aa doa wubwa la. Gɛɛ aa ba doe fini nɔ nɛra baa ɛ nɛnchɔɡa nɔ nɛ.”

1 Kɔrent 9:27

N dɛ lawɛ n te, dɛɛ haŋre kɛrɛdɛ kɛ, n ɡbaɡba maa dɛ bol Amanesoma nɔ dɛɛ baɡle nɛra nɔ, n bɛ ba koni dɛ́ horɛ.

We-ɛɛla 14:23

Bwɛɛre nɔ bɛlbwa ta asɔre tena aa lole la, Pɔɔl ne Banabas le ba bini bane ba ɛ ba nomonome. Nyoa vɔwa ne Korowii soŋa nee ba yon kpɔ nomoa la do Korowii baa kpɔ ba yarada bwa do o nɛɛ la nɔn ta.

Matiu 12:45

dɛ berɛ ka na kɛ baa la liire chaahnɔ kɛŋɔ dea baa chaaro dɛ kwaaro kɛrɛdɛ, kɛ dɛ ɡel o chɔ pɛɛ. Gɛɛ o yon la ka kpɔ o bala banuanɛ aa ɡwaalo kwara. A bwa yon ba so naate la nɛ, dɛ́ chɔɡ o da ɡwaa ɡɛ o fa aa doa wubwa la. Gɛɛ aa ba doe fini nɔ nɛra baa ɛ nɛnchɔɡa nɔ nɛ.”

2 Kɔrent 6:5

Ba dɛ lɔɔ yaa, dɛɛ do yaa deene, dɛ lɛ ɡaeh ya nɛɛ dɛɛ ɛ yaa saɡasaɡa. Ya dɛ ɛ tomkpeɡa dɛɛ koh. Tɔpebɛl yaa dom dɔe dɛɛ chɔ. Tɔpebɛl yaa kondikwaa dɔe dɛɛ di.

Matiu 17:21

A ɡɛ kwaa nɔ konsoo la, nyoa vɔwa ne Korowii soŋa ɡboo dɛɛ ba wona doŋa.”

Amanesoma Mak Aa Chwera Tɔn 9:28

Yeesu aa ba dem a ka o ne o habɔteŋra la ɡbo la, ba bɔɔro ŋɔ, “Ɛrɛ waa ya te aa wola wone kɔr kwaa la a le nɔɔ?”

Amanesoma Mak Aa Chwera Tɔn 9:30

O ne o habɔteŋra la le bela dɛ kpɔ Galilia harɛ ta kaa. Dɛ waa nyin kɛŋɔ nomɛlbwa jemɛ bela waa lole,