Amanesoma Mak Aa Chwera Tɔn 9:18 - mzwDBL

¹⁸ A iraa, ɡɛɛ a ɡoo harɛ, ásɛ fufuɡ ɛɛ le o nyoa, dɛ o dɛ chwe o nyena, dɛ ɡbeŋri chɔ. N soŋe he habɔteŋra la ŋɔ bá doŋi kwaa la ta, asɛ ba doŋa kahonɛ.”

Amanesoma Mak Aa Chwera Tɔn 9:18 Referans Kwoze

Amanesoma Mak Aa Chwera Tɔn 11:23

Kasinteŋ, nomɛlbwa waa won kpɔ yarada ŋɔ bwe nɔ be ŋɔ ó ir ka le mpo ta, waa wola tɔŋlɛ o bambile ta tamaa bɛlbwa, dɛ yarada kɛŋɔ Korowii ɛɛ wonoo ɛ ɡɛ la, aa ɛo tɛo kpela ɡe.

Amanesoma Mak Aa Chwera Tɔn 9:26

Ate, dɛ kwaa la sio kpeɡri ne dɛ taɡɛ bie la ta harɛ, asɛ o chɔ dɛɛ yo kɛŋɔ ɡbuŋɡbuŋri te ken mɔɔ a le o nɛ. Anee o chɔ kɛŋɔ waa sewa ken. Asɛ nɛra kɛrɛdɛ ŋɔ o sewɔ.

Amanesoma Mak Aa Chwera Tɔn 9:20

Asɛ ba kpɔ bie la ba tɛo. O kwaa aa dɛ ir o nɛɛ la aa na Yeesu la, a taɡɔ ta, asɛ o chɔ dɛɛ yo ɡɛ ɡbuŋɡbuŋri te aa dɛ ɛ la, dɛɛ ɡbili bɔr bwa, dɛ fufuɡ dɛ le o nyoa.

Matiu 17:16

N kpɔɔ ba he habɔteŋra nɔ be, kɛ ba ta wone chaoh.”

We-ɛɛla 7:54

Nomonome la aa no ɡɛ Steeven aa bola la, dɛ ba baah diu, baa pwee dɛɛ chwee bobɛlbwa.

Yela 112:10

Nyubinikpeɡ tena ɛɛ nao ba baah di kohona, ásɛ ba liire chɔɡ ba che dɛɛ nyiŋi ba hwɛɡa ta pɛɛ.

Tɔn Jud Aa Chwera 1:13

Ba do kɛ mpo nehɛma a nyoa aa kpeɡa kohona ken. Gɛ a yon dɛɛ vuuɡi, a fufuɡ doŋa ɛɛ le baŋ la, ɡɛɛ baa vuuɡi wa, ásɛ ba sihihwa ɛɛ le baŋ. Ba do kɛ weweela aa wola chebɔr beŋkpoŋ dɔe, baa wola hwɛɡa kpɔe dɛɛ do a nɛɛ dɛɛ valɛ jwaana la. Biro kpirikpirii Korowii kwaa ba cheɡ bá ka do bela saŋ bɛlbwa.

Matiu 15:22

Haah bɛl waa ɛ Keenan te dɛ do bela ba Yeesu be dɛ ba kpɔ takpeɡ ŋɔ, “Devid Naa Yeesu, na n sum! Nomoa, kwaa dɛ ir n bihaah nɛɛ dɛɛ fiiɡu, a do kpeɡri.”

Matiu 8:12

Ásɛ nɛra Korowii Kora la fe aa chɛ ba la, bá kpɔ ba ta biro ta, belaa wii ne weweele do.”

Job Tɔn 16:9

He toɡri n bini bandia ne kɛ kpɔɡ bini ol ken. He hah mɛ dɛ fome siwi pa n nɛ.

Amanesoma Mak Aa Chwera Tɔn 9:17

Baa bɛl le nɛra la bini dɛ ŋɔ, “Nomoa, kwaa dɛ ir n bie nɛɛ dɛ ɡel waa won waa bol, asɛ n kpɔɔ ba he be.

Amanesoma Mak Aa Chwera Tɔn 9:19

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ.”