Amanesoma Mak Aa Chwera Tɔn 8:35 - mzwDBL

³⁵ dɛkalkɛŋɔ nomɛlbwa o sie aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Ásɛ nomɛlbwa ɡe waa koh n ne Korowii Amanesoma nɔ waa dɛ kpɔ o nyu ta la, wɛɛ dɔ o nyuu.

Amanesoma Mak Aa Chwera Tɔn 8:35 Referans Kwoze

1 Kɔrent 9:23

Amanesoma nɔ waa mɛɛ teŋɛ anɔ bwa ta la, ásɛ dɛ won na som maa dɛ bol a waa la ane.

2 Timoti 1:8

Bɛ ɡel a ɛɛ sihiih kɛ haa dɛ bol ya Dɔɔ Yeesu Kristo waa dɛɛ baɡle nɛra. Bɛ ɡel n ɡe waa dɔe sihiih kɛ baa koh Yeesu Kristo waa dɛ do mɛ dea la. Kɛ hé ɡe che Korowii kpeɡri waa kpɔa tɛɛ la ta, dɛɛ na waa Amanesoma la wa.

Amanesoma Luk Aa Chwera Tɔn 17:33

Nomɛlbwa o siwi aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Asɛ nomɛlbwa ɡe o siwi aa wola harɛ nɔ ta silɛɛ kwaa ta lɛ la, wɛɛ dɔ o nyuu.

Matiu 16:25

dɛkalkɛ nomɛlbwa o sie aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Ásɛ nomɛlbwa ɡe o sie aa wola harɛ nɔ ta silɛɛ kwaa ta swɛɛ la, wɛɛ dɔ o nyuu.

Matiu 19:29

Asɛ nomɛlbwa ɡe koh n waa dɛ ɡel o dem ne o nahaahnanar, ne o dɔɔranar ne nimanar, ne o nya ne o mɛɛ, ne o bii dɛ kooni aa, wɛɛ dɔ a dɔŋa bele lafaa, dɛ́ berɛ dɔ mkpa aa wola jaɡa dɔe bwa la ɡe.

Matiu 10:39

Nomɛlbwa o sie aa swɛɛ harɛ nɔ ta silɛɛ kwaa ta la, wɛɛ paŋɛ o nyuu, ásɛ nomɛlbwa ɡe o sie aa wola harɛ nɔ ta silɛɛ kwaa ta lɛ la, wɛɛ dɔ o nyuu.

2 Kɔrent 12:10

N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.

We-ɛɛla 9:16

Mɛɛ ɡeloo ó jemɛ wahala bwa waa dɛ ba n waa koeh dɛ́ na.”

Amanesoma Luk Aa Chwera Tɔn 9:24

dɛkalkɛ nomɛlbwa o sie aa swɛɛ harɛ nɔ ta kwaa ta la, wɛɛ paŋɛ o nyuu. Ásɛ nomɛlbwa ɡe o sie aa wola harɛ nɔ ta silɛɛ kwaa ta lɛ la, wɛɛ dɔ o nyuu.

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

Wepila 7:14

Anee n ŋɔ, “N Dɔɔ, maa jemɛ. He ken jem ba.” Asɛ o ŋɔ, “Banee fa lɔ wahala tenten la bini dɛ won le a nyoa la. Ba chɛɡɛ ba yale Pebie la chal la ta, a le dɛ to.

Hibru 11:35

Korowii yaradae nomanta, ba wono chum haahna bane nɛra baa serewa. Nɛra bane ɛ ba bini bane ɡe hɔhɔrɔwa kɛŋɔ bá fe vɛh Korowii nɛɛ teŋa, kɛ ba ta ba nyu dɔe waa koɛh dɛ vɛh, ɡɛ aa ɛ ásɛ ba won ba ir seo ta dɛ́ dɔ bodɛɛɡe do.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

Amanesoma Mak Aa Chwera Tɔn 8:36

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ?

Wejereme 3:6

Kwaa bɔr ɡaaɡa dɛ́ naa dɔ a tɔpere, a bɔr bɛ ɡaaɡa tɔpere ɡe do le, kwaa nyoa boara tɔpere lole, a pae dɛ́ viɡri ɡe tɔpere do le,