Amanesoma Mak Aa Chwera Tɔn 8:31 - mzwDBL

³¹ Belaa Yeesu pa mun dɛɛ baɡle o habɔteŋra la kɛ a chɛ kɛ o Nɛn Bie la na wahala kohona waa bwa ta, ásɛ nomonome ne Sɔfonomonome ne Tɔnjerema vɛoh, ásɛ ba kpoo, ásɛ a tɔpetooro wee la, ó ir seo ta.

Amanesoma Mak Aa Chwera Tɔn 8:31 Referans Kwoze

We-ɛɛla 7:35

Mosis la Israel tena fa aa vɛoh dɛ ŋɔ, ó baɡle naate waa cheɡo kora ta ŋɔ ó baa nyiŋi ba nɛɛ dɛ́ɛ bol ba waa la, onee Korowii tomɛ ŋɔ ó ba tɔ ba sie dɛ́ lɛɛ ba ta. Nyundua torome la Mosis aa nao dawii nii ta la nɛɛ Korowii che dɛ tomɔ.

Amanesoma Jɔn Aa Chwera Tɔn 2:19

Anee Yeesu ŋɔ, “He kuuɡi Korowii Dea nɔ naa, n ɡe ɛɛ kpɔ tɔpera atoroo doo.”

Amanesoma Luk Aa Chwera Tɔn 24:26

A ta chɛɛ kɛŋɔ Kristo la Korowii aa ŋɔa ŋɔ wɛɛ tomɔɔ ó ba lɛ yaa la na ɡɛ wahala nɔ bwa mɔɔ ásɛ dɛ dɔ Korowii Kora la di kɛɛ?”

Amanesoma Luk Aa Chwera Tɔn 17:25

Kɛ a chɛ kɛŋɔ ń na wahala kohona ásɛ fini nɔ nɛra vɛɛh mɛ, mɔɔ anɔ bɛlbwa ba ɛ.

Amanesoma Mak Aa Chwera Tɔn 12:10

Ba chwerɔ do Korowii Tɔn la bini ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Matiu 21:42

Yeesu pɛɛ ba ŋɔ, “Hé ta waa nɔ Korowii Tɔn la bini nae kaa? Ba chwerɔ ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la. Korowiirii ɡela a ɛ ɡɛ, asɛ a ɛ yaa nyokpowa.’

Matiu 12:40

Gɛ Jona aa di tɔpebire atoro pɛŋejen la tea bini la, ɡɛɛ Men Nɛn Bie la ɡee ba tɔpebire atoro dii lalbɔɔ bini.

Hosia 6:2

Tɔpera anɛ habɔɔ la wɛɛ lawɛ yaa ir, tɔpetooro wee la, wɛɛ berɔ ba ya ne ya buɡ ta, ásɛ ya do o sie.

1 Kɔrent 15:4

Ba huɡo, asɛ a tɔpetooro wee la Korowii iru seo ta. Gɛɛ Korowii Tɔn baɡle mɔɔ a ɛ.

Amanesoma Luk Aa Chwera Tɔn 24:44

Ate, dɛ ŋɔ ba be ŋɔ, “Anɔ waa ɡɛ saŋ n ne haa lole la, n yon dɛɛ bol he be ŋɔ a chɛ kɛ n bwara wobɛlbwa baa chwera Mosis Mmara la bini ne Korowii keamere tɔne la bini ne Korowii Kpɛɛra Tɔn bini la ɛ kpela la.”

Jona 1:17

Dɛ Korowii te le pɛŋejen bɛl ó ba kpɔ Jona lile, asɛ o do o tea bini tɔpebire atoro, chɔɔ ne jwaana.

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Yela 118:22

Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

1 Samoɛl 10:19

Kɛ taraken he vɛh men Korowii haa dɛ tom mɛ, n lɛ heyaa le wahala ne wekpeɡa bwa ta la. He berɔ ŋɔ ń tɛ heyaa kooro wɛɛ tɔ he sie. Anomanta, he bwa ba cheme n sie deenaa ta.”

1 Samoɛl 8:7

Asɛ Korowii ŋɔ Samoɛl be ŋɔ, “No waa bwa nɛra la aa dɛ bol he be la, he laa ba vɛh kɛ ba kooro, men Korowiirii ba vɛh.

Amanesoma Jɔn Aa Chwera Tɔn 12:48

Kɛ nɛn waa vɛh n ne n waa maa dɛ bol la ɛɛ di bolchɔɡee. N waa maa dɛ bol nɔɔ dɛ́ pao bolchɔɡe tɔpere bwa jaɡa wee.

Matiu 27:63

dɛ ŋɔ o be ŋɔ, “Nomoa, ɡɛ saŋ a ɡɛ nyosonteŋni nɔ aa wola sewɛ mɔɔ la, dɛ o dɛ bol ŋɔ dɛ o sewaa, tɔpera atoro wɛɛ iruu ja.