Amanesoma Mak Aa Chwera Tɔn 8:22 - mzwDBL

²² Yeesu ne o habɔteŋra la Bɛtsaeda. Asɛ nɛra bane kpɔ baa bɛl waa nyoŋa ba o be, dɛ ba soŋo ŋɔ ó kpɔ nɔn leɡe nyoŋe la ó sie pili.

Amanesoma Mak Aa Chwera Tɔn 8:22 Referans Kwoze

Matiu 11:21

“Korasen tena, hé bwɛɛlɛ. Hɛɛ na waa taeh! Bɛtsaeda tena, hé ɡe bwɛɛlɛ. He ɡee na waa taeh! Nyokpowaa nɔ maa ɛa he bini nɔ, dɛ Taaya ne Sidonee n fee ɛa nɔ naa, ba fe charɛ ba liire le ba wechɔɡa ta biɡri, dɛ tɔ lweyale dɛ kpɔ tɔɔ fɔɡɛ ba bwara bwa.

Amanesoma Mak Aa Chwera Tɔn 6:45

Belaa o ɡel o habɔteŋra la jo ɡbera bini dɛ tɔ sie kaa baŋ bobɛl baa dɛ yerɛ bela Bɛtsaeda, asɛ o ɡe ɡel nɛra la peɡre.

Amanesoma Luk Aa Chwera Tɔn 10:13

Korasen tena, hé bwɛɛlɛ! Bɛtsaeda tena ɡe, hé bwɛɛlɛ! Dɛ nomɛl fe ɛ ɡɛ nyokpowaa nɔ maa ɛa he siwi ta nɔ bwɛjena Taaya ne Sidon aa, ba fe charɛ ba liire le ba wechɔɡa ta biɡri. Ba fe ta lweyale tɔe dɛ so sibeɡra ta naa?

Amanesoma Jɔn Aa Chwera Tɔn 12:21

Ba la Felep waa le Galilia harɛ bwɛɛ baa dɛ yerɔ Bɛtsaeda la be, dɛ ka soŋo ŋɔ, “Nomoa, ya dɛ nyin Yeesu dɛ́ nao.”

Amanesoma Jɔn Aa Chwera Tɔn 1:44

Dɛ Felep bwɛɛ Bɛtsaeda, belaa Andriu ne Pita ɡe le.

Amanesoma Mak Aa Chwera Tɔn 2:3

Belaa nɛra banaarɛ bane kpɔ baa bɛl waa kuuɡa dɛɛ ba Yeesu be.

Matiu 8:15

Yeesu lawɛ o nɔn, weela la le o nɛ o bwara sɔɔhno, asɛ o ir dɛ daa kwaa tɛo.

Matiu 9:29

Anee Yeesu kpɔ nɔn leɡe ba sie dɛ ŋɔ, “Gɛ haa dɛ yarada la, á ɛ ɡɛ tɛ heya.”

Matiu 8:3

Yeesu tɛr o nɔn dɛ leɡo dɛ ŋɔ, “N sɛoh. N ɡelɔ he bwara kwaa.” Buɡ la ta, weela la den le o nɛ.

Amanesoma Luk Aa Chwera Tɔn 9:10

Yeesu toroma la balɔ dɛ ba bol waa baa kaa ɛ o be, asɛ o kpɔ ba le nɛnlaa la bini ba kaa bwɛɛ bɛl baa dɛ yerɔ Bɛtsaeda la ta.

Matiu 14:36

Ba soŋo ŋɔ ó ɡel weela tena la leɡe o batakaare nyoa ɡbo ásɛ dɛ ɡbaŋre. Asɛ banɔ baa leɡe o batakaare nyoa la bwa ɡbaŋre.

Amanesoma Mak Aa Chwera Tɔn 3:10

Waa chah nɛra kohona nomanta, weela tena la kar ta dɛ nyinu dɛ leɡe.