Amanesoma Mak Aa Chwera Tɔn 8:17 - mzwDBL

¹⁷ Belaa Yeesu aa no waa baa dɛ bol la, o pɛɛ ba ŋɔ, “Ɛrɛ waa hɛɛ pɛɛ dɔŋa paanoo bɛ dɔe waa nɔɔ? Saŋ la bwa haa waa mun no mɔɔ naa? Ɛrɛɛ he liire do toŋɡboŋ ken?

Amanesoma Mak Aa Chwera Tɔn 8:17 Referans Kwoze

Amanesoma Mak Aa Chwera Tɔn 6:52

Ba liire aa do toŋɡboŋ baa wola paanoo la waa la mun noɛ la, a ɡelɔ ba bwara hwah.

Amanesoma Mak Aa Chwera Tɔn 2:8

Belaa Yeesu aa jemɛ waa baa liira la, asɛ o ŋɔ ba be ŋɔ, “Ɛrɛɛ hɛɛ lii ɡɛ nɔɔ?

Aesaya 63:17

N Naa Korowii, ɛrɛɛ he ɡel ya kpaŋe ya laa sie kpɔ he ŋwɛnɛre ta nɔɔ? Ɛrɛɛ he ɡel ya ɛ deŋnekpeɡ, dɛ berɛ habɔɔ kpoe nɔɔ? Koh banɔ la baa dɛ tomɛ ne banɔ la baa ɛ he nɛra la waa dɛ́ ba ya be.

Amanesoma Mak Aa Chwera Tɔn 3:5

Asɛ Yeesu nyiŋi ba bwa, o baah di. Gɛ ba liire aa do toŋɡboŋ kohona la ta o sie lɛɛ. Anee o ŋɔ baa la be ŋɔ ó tɛr nɔn. Waa tɛr o nɔn la, dɛ o nɔn la berɔ do kpeɡri.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Amanesoma Jɔn Aa Chwera Tɔn 16:30

Ya nao name kɛŋɔ he jemɛ wobɛlbwa aa lɔ nɛn nyu bini mɔɔ wɛɛ pɛɛre. A ta chɛ kɛŋɔ bɛlbwa pɛɛre waane kpa. A ɡelɔ ya yarada kɛŋɔ Korowii bee he le.”

Amanesoma Luk Aa Chwera Tɔn 24:25

Anee Yeesu ŋɔ ba be ŋɔ, “Nfɛrɛ nyaara! Ɛrɛɛ haa wola Korowii keamere waa baa bola la yarada nɔɔ?

Amanesoma Mak Aa Chwera Tɔn 16:14

A habɔɔ la, o kpɔ o te chaɡle o habɔteŋra fi dɛ beŋkpoŋ la, dɛ ba dɛ di kwa. O pwaah ba ba yarada nyae ne ba bambikpeɡ la waa kɛŋɔ baa wola ba bala baa tɔ sie nao la yaradae la.

Matiu 15:17

Haa jemɛ kɛŋɔ kwaa haa dɛ di la, tea binii aa kaa dɛɛ berɛ dahara aa?

Matiu 12:15

Yeesu aa naa kɛ nɛra la dɛ nyinu dɛ́ kpo la, o le bela kaa bofale, dɛ nɛnlaa tenten teŋɛ o nɛ, asɛ o chah ba bini banɔ la ba bwara aa dɛ wee ba la bwa,

Matiu 16:7

Ba ta o sɛɡla la mun noɛ, dɛɛ pɛɛ dɔŋa ŋɔ, “Amɔ yaa wola paanoo kpɔe waa wɛɛ bol ɡɛ naa?”

Amanesoma Mak Aa Chwera Tɔn 8:16

Ba ta o sɛɡla la mun noɛ, dɛ bol dɔŋa be ŋɔ paanoo baa wola dɔe waa o ken ɛɛ bol.