Amanesoma Mak Aa Chwera Tɔn 6:34 - mzwDBL

³⁴ Yeesu aa le ɡbera la bini la, dɛ nɛnlaa tenten lɔ bela. Ba waa domɛ o tea, dɛkalkɛ dɛ ba do kɛ peera aa wola teɡre dɔe ken. Anomanta, o chaɡ ba waa taeh.

Amanesoma Mak Aa Chwera Tɔn 6:34 Referans Kwoze

Matiu 9:36

Waa na nɛnlaa la ɡɛ la, o dɔ tedoma tɛɛ ba, dɛkalkɛ ba ɛ nɛra ba bwara aa dɛ nyɛɡ baa wola Lɛɛ dɔe kɛ peera aa wola teɡre dɔe ken.

Nɛra Kura 27:17

Naate waa kpɔ ba kaa dɛ berɛ ba ba ne, ásɛ he nɛra bɛ ɛ kɛŋɔ peera aa wola teɡre dɔe.”

Amanesoma Luk Aa Chwera Tɔn 9:11

Nɛra aa no o waa la, ba tiu bela, asɛ o lɛɛ ba silɛɛ ne dɛ bol Korowii Kora la waa baɡ ba, dɛ chah ba bini banɔ la ba bwara aa dɛ wee ba la.

Sekaria 10:2

Voɡa dɛ teŋe nyosone, voɡra waa baa dɛ na ɛ nyosone, deera mun baa dɛ baɡle la ta kasinteŋ ɛɛ, bolarawa baa kpɔa dɛɛ tɛ nɛra ɛ wesale. Anomanta, ba ɡelɔ nɛra nyoɡre kɛŋɔ peera aa wola teɡre dɔe, asɛ nɛra ɛɛ fiɡ ba.

Jeremia 50:6

N nɛra do kɛŋɔ peera a teɡra aa ɡela a nyoɡre ken, dɛ ɡel a do bwejena dor dɛɛ ɡaaɡe. A lɔ bwejena ne deŋɡarere ta dɛɛ ɡaaɡe, dɛ soh bela aa dɛ chɔ wa.

2 Webena 18:16

Mikaya ŋɔ, “N na Israel laa tena baa perɛ deŋɡarere ta kɛŋɔ peera aa wola teɡre dɔe ken. Asɛ Korowii ŋɔ, ‘Ba ta sitɔɔ dɔe, ɡel bá berɛ kaa dem deŋnesɔɔhna ne.’ ”

1 Koranar 22:17

Mikaya ŋɔ, “N na Israel laa tena baa perɛ deŋɡarere ta kɛŋɔ peera aa wola teɡre dɔe ken. Asɛ Korowii ŋɔ, ‘Ba ta sitɔɔ dɔe, ɡel bá berɛ kaa dem deŋnesɔɔhna ne.’ ”

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

Matiu 14:14

Yeesu aa le ɡbera la bini, dɛ nɛnlaa tenten lɔ bela. Ba waa domɛ o tea, asɛ o chah ba bini weela tena.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

Matiu 15:32

Yeesu yerɛ o habɔteŋra la dɛ ŋɔ ba be ŋɔ, “Nɛra nɔ waa dɛ domɛ n tea, dɛkalkɛ n ne baa soɡa tɔpera atoroo nɔ, taraken ba ta komɛlbwa dɔe dɛ́ di. Dɛ n ɡel ba ɡɛ ba kpɔ lɔr kaa laa, baa ɡwɛɡre ŋwɛnɛ taa.”

Aesaya 13:14

Hɔɔhra baa soɡe Babelɔn ɛɛ lɔɔ peɡre, dɛ́ kaa ba harɛre ta kɛŋɔ kpaahna aa jo kweɡli baah a lɔ peɡre la. Baa chwao peɡre kɛŋɔ peera aa wola teɡre dɔe ken.

Ɛsekeɛl 34:5

Haa wola a nɛɛ nyiŋi kɛrɛdɛ nomanta, a bwa lɔɔ peɡre, asɛ kpɔɡ bini olchɔɡa ba kpoora, dɛ di a ola.

Amanesoma Mak Aa Chwera Tɔn 6:33

Jaah nɛra pirim na ba kɛ baa dɛ kaa, dɛ jemɛ kɛ banee, dɛ le bwɛɛre ta chwa dɛ ti ba.

Amanesoma Mak Aa Chwera Tɔn 6:35

Bɔr aa dɛ ɛ jɔmɔra la, o habɔteŋra la ba o be dɛ ba ŋɔ, “Nomoa, bonɔ ɛ kpɔɡ bini, bɔr ɡe dɛ jo.

Amanesoma Mak Aa Chwera Tɔn 8:1

A ta biɡre bɛlbwa nɛnlaa bane ba cheme Yeesu sie ja, kɛ dɛ ba ta komɛlbwa dɔe dɛ́ di. Anee Yeesu yerɛ o habɔteŋra la ba o sie dɛ ŋɔ ba be ŋɔ,

Amanesoma Mak Aa Chwera Tɔn 8:2

“Nɛra nɔ waa dɛ domɛ n tea, dɛkalkɛ n ne baa soɡa tɔpera atoroo nɔ, taraken ba ta komɛlbwa dɔe dɛ́ di.