Amanesoma Mak Aa Chwera Tɔn 4:41 - mzwDBL

⁴¹ Ba bwara hwah o waa taeh, ba bɔɔ dɔŋa ŋɔ, “Nɛn besoo siwii nɔ, peu ne nehɛma ɛɛ no o wobol nɔɔ?”

Amanesoma Mak Aa Chwera Tɔn 4:41 Referans Kwoze

Amanesoma Luk Aa Chwera Tɔn 8:25

Bɔr aa hela la, o bɔɔ o habɔteŋra la ŋɔ, “Ɛrɛɛ haa wola men yarada nɔɔ?” Ba ɔmɔ, ba bwa bwara hwah, asɛ baa bɔɔ dɔŋa ŋɔ, “Nɛn besoo siwii nɔ, wɛɛ bol waa peu ne nehɛma ɛɛ no o wobol nɔɔ?”

Job Tɔn 38:11

dɛ ŋɔ, ‘Bonɔɔ hɛɛ ba wona ba jaɡɛ, haa ɡarɛ! He nehɛma aa kpeɡa la nyoa ɡe jaɡɛ bonɔ.’

Matiu 8:27

A ɛ nɛra la bwa nyokpoa baa pɛɛ dɔŋa ŋɔ, “Nɛn besoo siwii nɔ, peu ne nehɛma ɛɛ no o wobol nɔɔ?”

Yela 89:7

Nyundua toroma bwa chemaa, hen Korowiirii do ɔma kohona, a bwa dɛ ɔmɛ, dɛ kpɔ duure dɛɛ tɛɛ.

1 Samoɛl 12:24

Hé nyiŋi kɛrɛdɛ dɛ́ɛ teŋɛ Korowii waa ta dɛ́ɛ tomɔ kasinteŋ ne bambile bwa ne, dɛ́ɛ lii wejena waa ɛa tɛ heya la.

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

Amanesoma Mak Aa Chwera Tɔn 5:33

Haah la aa naa ɡɛ Yeesu aa ɛa tɛo la, o kpɔ ɔmee ne bochela dɛ ba ɡuŋi o sie, dɛ bol o weela la bwa waa baɡlo.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

Amanesoma Luk Aa Chwera Tɔn 4:36

Nɛra baa lɔ bela la bwa nyoa kpoo, ba ŋɔ dɔŋa be ŋɔ, “Bɔkwa waa nɔɔ! Hé na ɡɛ baa nɔ aa kpɔ kpeɡri bol waa baɡle kwaa aa dɛ ir nɛra nɛɛ asɛ a kaa!”

Matiu 14:32

Baa jo ɡbera la bini la, peu la ɡel tae.

Malakae 2:5

N ne Lewi dea tena fɔo la ɛ mkpa ne deŋnesɔɔhna n kpɔ dɛɛ tɛɛ ba. Gɛɛ dɛ́ ɡel baa ɔm mɛ kɛrɛdɛ dɛɛ duu mɛ.

Amanesoma Mak Aa Chwera Tɔn 7:37

Belaa nɛra baa noa la nyoa kpo taeh, ba ŋɔ, “O ɛ wobɛlbwa kɛrɛdɛ, hale o ɡelɔ amumure ɛɛ no wa, dɛ won waa bola.”

Amanesoma Mak Aa Chwera Tɔn 4:40

Yeesu bɔɔ o habɔteŋra la ŋɔ, “Oo! Ɛrɛɛ hɛɛ ɔmɛ kohona ɡɛ nɔɔ? Ba le saŋ nɔ haa men yarada aa?”

Amanesoma Mak Aa Chwera Tɔn 5:1

Yeesu ne o habɔteŋra la tawɔ kaa Galilia Moo la baŋ Gerasa harɛ ta.