Amanesoma Mak Aa Chwera Tɔn 2:24 - mzwDBL

²⁴ Anee Farisii tena bane aa naa la, ba ŋɔ Yeesu be ŋɔ, “Nyiŋi na! He habɔteŋra la dɛ ɛ toma dɛɛ koni ya Ona Tɔpere Mmara la.”

Amanesoma Mak Aa Chwera Tɔn 2:24 Referans Kwoze

Kaala 20:10

kɛ Ona Tɔpere la te ɛ men Korowii haa dɛ tom mɛ la tɔpere. O telaa, he bɛ toma bɛlbwa ɛ o ta. He ne he bibaala kɛɛ bihaahna kɛɛ bonɔɔna, kɛɛ toli bɛlbwa bɛ toma ɛ. Hale he kondɛɛra te bɛlbwa, ne hɔɔhra kwaraa baa lɔ he dem.

Hibru 12:3

Hé nyiŋi ɡɛ nɛnchɔɡa fa aa haoh dɛɛ chɛɡro, asɛ o lawɛ bambile la, ásɛ bɔhwaah bɛ heyaa lawɛ, he le habɔɔ.

Matiu 12:2

Farisii tena la aa na ɡɛ la, ba ŋɔ Yeesu be ŋɔ, “Nyiŋi na! He habɔteŋra la dɛ ɛ toma dɛɛ koni ya Ona Tɔpere Mmara la.”

Amanesoma Mak Aa Chwera Tɔn 2:16

Anee Farisii tena Tɔnjerema la aa na Yeesu ne toɔ lɛɛra ne wechɔɡ-ɛɛra la aa pɛa dɛɛ di kwaa la, ba bɔɔ o habɔteŋra la ŋɔ, “Ɛrɛɛ o ne ɡɛ nɛra nɔ pɛ dɛɛ di kwaa nɔɔ?”

Amanesoma Mak Aa Chwera Tɔn 2:7

“Ɛrɛɛ o do dɛɛ bol waa ɡɛ nɔɔ? Korowii ɡboo won wechɔɡa kpɔe dɛ kɛ. Aa! O dɛ ɛ Korowii nɛnhɛla.”

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Aesaya 56:6

Korowii ŋɔ nɛŋhɔɔhra baa kpɔ ba te ba pɛlo, asɛ dɛɛ tomɔ, dɛɛ nyinu dɛɛ yerɛ o sɔn, dɛɛ di Ona Tɔpere baa wola on chɔɡ, dɛ lawɛ o fɔo la bini kiŋkiŋ la be ŋɔ,

Aesaya 56:4

Waa Korowii aa dɛ bol ɡɛ nɛra la be laanee kɛŋɔ, “Dɛ nɛra baa fɔɡɛ ba lure dɛ di n Ona Tɔpere la, dɛɛ ɛ waa aa dɛ su n siwi, dɛɛ di kasinteŋ n fɔo la ta naa,

Aesaya 56:2

Naate waa dɛ ɛ waa nɔ dɛ lawa kpoŋe kɛrɛdɛ, dɛɛ di Ona Tɔpere waa wola on chɔɡ, dɛ lawɛ o te waa wola wechɔɡa ɛ la, o na som.”

Kaala 31:15

Tɔpera anumɛlee chɛ kɛŋɔ bɛlbwa kpɔ ɛ o toma, kɛ tɔpenuanɛ wee la ɛ Ona Tɔpere. O ɛ tɔpere waa do ɡoroŋ dɛ tɛ men Korowii. Nomɛlbwa waa ɛ toma o ta la chɛ kɛŋɔ bá kpoo.

Amanesoma Mak Aa Chwera Tɔn 2:25

Belaa Yeesu ŋɔ, “He ta ɡɛ ya naa Devid aa ɛa saŋ la Abiata aa ɛ Sɔfonomoa la kure kɛɛ? Gɛ saŋ la Devid nyao, asɛ lɔr ɛɛ kpo o ne nɛra baa ja o nɛɛ la.