Amanesoma Mak Aa Chwera Tɔn 16:9 - mzwDBL

⁹ Kwasiara waa ɛ tɔpeloɡle tomun aa dɛ kpɔ Yeesu aa ir seo ta la, o tɔ sie kpɔ o te baɡle Mɛɛre waa le Maɡdala la. Yeesu fa doŋi kwaa aa dɛ ir nɛra nɛɛ anuanɛ le ɡɛ haah nɔ nɛ.

Amanesoma Mak Aa Chwera Tɔn 16:9 Referans Kwoze

Amanesoma Luk Aa Chwera Tɔn 8:2

ne haahna bane waa doŋi kwaa ba nɛɛ dɛ chaah ba weela la ja o nɛ. Gɛ haahna nɔ bɛlee Mɛɛre waa le Maɡdala Yeesu fa aa doŋi kwaa bele anuanɛ le o nɛɛ la.

Amanesoma Jɔn Aa Chwera Tɔn 20:12

asɛ dɛ na nyundua toroma banɛ. Ba do kompoŋa so bela baa kpɔ Yeesu lale bil la. Bɛl soɡe o nyu bɔr, asɛ bɛl so o nakpale bɔr.

Amanesoma Mak Aa Chwera Tɔn 15:47

Mɛɛre waa le Maɡdala la ne Josis nya Mɛɛre na bela baa huɡo.

Amanesoma Luk Aa Chwera Tɔn 24:10

Mɛɛre waa le Maɡdala la ne Joana ne Jems nya Mɛɛre dɛ haahna bane baa jaa laanee bol waa la baɡle o toroma la.

Matiu 27:56

Ba bini banee Mɛɛre waa le Maɡdala la, ne Jems ne Josef nya Mɛɛre, dɛ Sebedii bii la nya.

Amanesoma Mak Aa Chwera Tɔn 15:40

Dɛ haahna bane ɡe cheɡɛ bojaŋ dɛɛ nyiŋi. Ba bini banee Mɛɛre waa le Maɡdala la, ne Jems Bechala ne Josis nya Mɛɛre, ne Salome.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.

1 Kɔrent 16:2

Kwasiara bɛlbwa, hé bini bɛlbwa ɛɛ kpɔ suuɡa, ɡɛ bɛlbwa waa wona dɛ le anɔ la Korowii aa chao o dɔ la ta, dɛ́ kpɔ cheɡ. Hɛ́ɛ ɛ ɡɛ, ásɛ n balaa, he bɛ suuɡa dɛɛ ta kpa.

We-ɛɛla 20:7

Memene wee jɔmɔra ne la, ya asɔre tena la chemo dɛ di kondikwaa ya Dɔɔ aa kpɔa ja yaa ŋɔ yá kpɔ dɛɛ lii o waa la, asɛ Pɔɔl bol Korowii Waa dɛɛ baɡle yaa. Dɛ o fe dɛ nyin kɛŋɔ tɔɔ peraa ó kaa, anomanta, o bol waa ka tel harambaŋa.

Amanesoma Mak Aa Chwera Tɔn 16:8

Asɛ ba nyoa kpo, ba kpɔ bochela chwa le bɔɔ la bini. Baa dɛ kaa la, dɛ ba dɛ ɔmɛ, anomanta, ba ta wobɛlbwa bolɛ nomɛlbwa be.

2 Koranar 5:4

Ate, Naaman ka bol kooro be ɡɛ Israel harɛ ta tolo la aa bola la.