Amanesoma Mak Aa Chwera Tɔn 15:15 - mzwDBL

¹⁵ Paelet aa wola nyin kɛŋɔ nɛnlaa la bwaawee ir o nɛɛ la, o le Barabas ta tɛɛ ba dɛ ɡel ba lɔɔ Yeesu bampɔrɔ ŋwɛɛra ne mɔɔ dɛ kpɔɔ tɛ ŋɔ bá ka kpaaro pɛl daɡaɡre ta.

Amanesoma Mak Aa Chwera Tɔn 15:15 Referans Kwoze

Amanesoma Jɔn Aa Chwera Tɔn 19:1

Belaa Paelet ɡel o soojare ka lawɛ Yeesu, dɛ lɔɔro bampɔrɔ ŋwɛɛra ne.

Matiu 27:26

Belaa Paelet le Barabas ta, ɡɛ baa dɛ nyin la, dɛ ɡel ba lɔɔ Yeesu bampɔrɔ ŋwɛɛra ne mɔɔ dɛ kpɔɔ tɛ ŋɔ bá ka kpaaro pɛl daɡaɡre ta.

Aesaya 50:6

N berɛ n nyaŋ tɛ nɛra ba lɔɔ, dɛ kpɔ n taŋɡbaɡre ɡe tɛ nɛra ba chuɡri n tampona. N ta n sie laa fɛr sihihwaa ne nentane baa taa ta n sie ta.

Amanesoma Mak Aa Chwera Tɔn 10:34

Baa di n loroo, dɛ́ tata nentane ta n nɛ, dɛ chacha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ. Kɛ a tɔpetooro wee mɛɛ berɔɔ ir seo ta.”

Sɛɡla 29:25

Nɛwɛnyini ɔma do kɛŋɔ bel ken, nomɛlbwa waa dɛ yarada Korowii la, dɛ́ dɔ o nyu.

Yela 129:3

Ba chɛwɛ ya nyaŋre yaa na wahala, kɛŋɔ paa yon kpɔ par chɛwɛ harɛ la ken.

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

Amanesoma Jɔn Aa Chwera Tɔn 19:16

Ate, Paelet kpɔ Yeesu tɛɛ ba ŋɔ bá ka kpaaro pɛl daɡaɡre ta. Asɛ soojare la kpɔɔ kaa.

Yela 57:11

N Naa Korowii, ɡel ya na he kan haa doa nyundua, ásɛ he jirima tɔ harɛ nɔ ta bwa.

Galaasia 1:19

N ta Yeesu toroma la bɛlbwa nae bela ka ja Pita nɛ. Jems waa ɛ ya Dɔɔ la nime la ɡee n berɛ na ja Pita nɛ.

We-ɛɛla 25:9

Dɛ Koojen Fɛstɔs dɛ nyin kɛŋɔ o kpɔ Juu tena la darame, anomanta, o bɔɔ Pɔɔl ŋɔ, “Hɛɛ la Jerusalamee, ásɛ ba ka bol he waa baa kpɔa dawɛ he nɛɛ nɔ n siwi ta dɛ́ pa bole n ɡe na naa?”

We-ɛɛla 24:27

Bene anɛ baa ɡale, asɛ Fɛlekse le kara ta, asɛ Pɔkeɔs Fɛstɔs ba di kara. Dɛ Fɛlekse dɛ nyin kɛ Juu tena sie lɛ o nɛ, anomanta, o ɡelɔ Pɔɔl ta do dea.

Amanesoma Luk Aa Chwera Tɔn 18:33

Baa lɔɔ mɛɛ, dɛ́ kpo mɛ, ásɛ a tɔpetooro wee la, ń ir seo ta.”

Matiu 20:19

Baa kpɔ mɛɛ do nɛra baa wola Juu tena ɛɛ la nɔn ta, bá di n loro, dɛ́ cha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ, ásɛ tɔpetooro wee la ń ir seo ta.”

Amanesoma Mak Aa Chwera Tɔn 15:14

Anee Paelet bɔɔ ba ŋɔ, “Ɛrɛɛ yɔ? Bɔkwa wechɔɡaa o ɛɔ?” Ate, dɛ ba berɔ kwaa si kohona ŋɔ, “Kpaaro pɛl daɡaɡre ta!”

Amanesoma Luk Aa Chwera Tɔn 23:16

Kɛ mɛɛ ɡeloo bá lɔɔro bampɔrɔ ŋwɛɛra ne dɛ́ kpɔɔ ta.”