Amanesoma Mak Aa Chwera Tɔn 14:61 - mzwDBL

⁶¹ Asɛ Yeesu tɔ nyoa, o ta wobɛlbwa chaŋɛ. Asɛ nomoa la berɛ bɔɔro ŋɔ, “Henee Korowii Bie Kristo la waa ŋɔa ŋɔ wɛɛ tomɔɔ ásɛ o ba lɛ yaa la aa?”

Amanesoma Mak Aa Chwera Tɔn 14:61 Referans Kwoze

Amanesoma Mak Aa Chwera Tɔn 15:2

Belaa Paelet bɔɔro ŋɔ, “Henee Juu tena kooro ɛ?” Asɛ Yeesu ŋɔ, “Anee he bol la.”

Aesaya 53:7

Ba ɛo hɔhɔrɔwa, kɛ o helɔ, o ta nyoa pile. O tɔ nyoa kɛŋɔ baa lawɛ pebie dɛɛ kaa kpobɔr la. O ɛo jeiih kɛŋɔ penee baa dɛ fonɛ o pona ken. O ta nyoa pile dɛ bol wobɛlbwa sese.

Amanesoma Jɔn Aa Chwera Tɔn 19:7

Belaa Juu tena la berɛ chaŋo ŋɔ, “Ya dɔ Mmara bɛl waa dɛ baɡle kɛ o chɛ kpoe, dɛkalkɛ o dɛ yerɛ o te Korowii Bie.”

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

Amanesoma Jɔn Aa Chwera Tɔn 10:36

dɛ men n Mɛɛ Korowii aa lee mɛ dɛ tom mɛ harɛ nɔ ta la ŋɔ Korowii Biee men aa, ɛrɛɛ he ŋɔ n dɛ bol musu waa nɔɔ?

Amanesoma Jɔn Aa Chwera Tɔn 1:34

A ɡɛ waa nɔ chiɡo n na, anomanta, n dɛ ŋɔ he be ŋɔ Korowii Biee on.”

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

Matiu 8:29

Baa chemo la, ba den kpɔ takpeɡ ŋɔ, “Bɔkwaa hɛɛ nyin ya be nɔ, Korowii Bie? He dɛ ba ba do yaa weweele mɔɔ ya weweele nae saŋ la tel kɛɛ?”

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Yela 119:12

N Naa Korowii, n dɛ kpɛɛre, baɡ mɛ he Mmarare la.

Yela 39:9

N tɔ nyoa name, maa wobɛlbwaa bol kpa, henee ɛɛ mɛ ɡɛ.

Yela 2:7

Kooro la ŋɔ, “Mɛɛ bol waa Korowii aa bola la waa. O ŋɔ n be ŋɔ, ‘N Biee hen, fini n berɛ he Mɛɛ.

1 Timoti 6:15

Dɛ o tɔpere baa telaa, Korowii ɛɛ ɡeloo ó berɛ ba. Korowiirii chɛ kpɛɛra. O ɡboo ɛ komɛlbwa nyu. Koranar Bwa Kooroo on, asɛ dɔɔranar bwa ɡe Dɔɔree on.

1 Timoti 1:11

Gɛ waa aa toɡra la bwa lɔ Amanesoma Korowii aa kpɔa do n nɔn ta ŋɔ ń chaɡle nɛra la ta. Anee dɛɛ baɡle Korowii waa dɔ jirima ne silɛɛ la wa.

We-ɛɛla 8:32

Dɛ Korowii Tɔn waa nomoa la aa dɛ kure laanee la. “O helɔ kɛŋɔ baa lawɛ pee kaa kpobɔr. O tɔ nyoa kɛŋɔ baa dɛ fonɛ pebie pona o yon tɔ nyoa la. O ta nyoa pile bol wobɛlbwa sese.

Amanesoma Jɔn Aa Chwera Tɔn 19:9

Anomanta, o berɔ jo koodem bela, asɛ dɛ ka bɔɔ Yeesu ŋɔ, “Lepetenee he leɔ?” Kɛ o ta on chaŋɛ.

Amanesoma Jɔn Aa Chwera Tɔn 18:37

Yeesu aa ŋɔ ɡɛ la, anee Paelet bɔɔro ŋɔ, “Amɔ kooroo hen kpela kenɛ?” Asɛ o chaŋo ŋɔ, “Henee ŋɔa kooroo men. Kasinteŋ bola waa ba lol mɛ. A waa n ba harɛ nɔ ta dɛ ba bol kasinteŋ la nɛra bwa be. Nomɛlbwa waa dɛ nyin kasinteŋ la, on dɛɛ no n be.”

Amanesoma Jɔn Aa Chwera Tɔn 10:24

asɛ Juu tena ba baro cheme dɛ pɛɛro ŋɔ, “Ɛrɛɛ he ta ɡel yaa ɛ he waa aahna aahna ken nɔɔ? Dɛ henee Kristo la aa, den ɡel ya jemɛ.”

Amanesoma Mak Aa Chwera Tɔn 14:60

Belaa Sɔfonomoa la ir che nɛra la bwa baah ta dɛ bɔɔ Yeesu ŋɔ, “Amɔ he ta wobɛlbwa dɔe dɛ́ chaŋe waa nɔ baa dɛ bol nɔ bɛlbwa naa?”