Amanesoma Mak Aa Chwera Tɔn 14:54 - mzwDBL

⁵⁴ Dɛ Pita teŋɛ ba nɛɛ bojaŋ dɛ ba jo nomoa la dem baah. Dɛ o ne soojare baa dɛ daah doonyoa la soɡo dɛɛ ŋwee nii.

Amanesoma Mak Aa Chwera Tɔn 14:54 Referans Kwoze

Amanesoma Jɔn Aa Chwera Tɔn 18:18

Dɛ waa lole, anomanta, dɛ Sɔfonomoa bonɔɔna ne nɛra baa dɛ daah Korowii Dea la do nii hɔla ta dɛ cheɡ dɛɛ ŋwee, asɛ Pita ka ja ba nɛɛ dɛ ɡee ŋwee.

Matiu 26:3

Anee Sɔfonomonome ne bwɛɛ nomonome ka cheme Sɔfonomoa Kaefas dem,

Amanesoma Jɔn Aa Chwera Tɔn 18:25

Dɛ Seemɔn Pita ta cheɡɔ dɛɛ ŋwee nii la, asɛ ba bɔɔro ŋɔ, “Baa la habɔteŋra la bɛl laa hen aa?” Asɛ o tɔh pelepele ŋɔ, “Bɛl laa men!”

Amanesoma Luk Aa Chwera Tɔn 22:44

O tea bini aa chɔɡa kohona la, o soŋe Korowii siswɛm ne, asɛ bɔwɔb le o nɛɛ dɛ kor dɛɛ lee kɛŋɔ chal ken.

Amanesoma Mak Aa Chwera Tɔn 14:38

Asɛ o ŋɔ ba be ŋɔ, “Hɛ́ɛ nyiŋi kɛrɛdɛ dɛɛ soŋe Korowii ásɛ Bɔnsam bɛ won neɡre heya. He bambile fe dɛ nyin wedɛɛɡa ɛɛ, kɛ he bwadabii pwɛre.”

Matiu 26:58

Baa dɛ kaa la, Pita ɡe teŋɛ ba nɛɛ bojaŋ dɛ ka jo Sɔfonomoa la dem, dɛ ka pu nɛra baa dɛ daah dem bela la so, dɛɛ nyin ó na ɡɛ bwa baa dɛ ba kpɔe ɛ Yeesu.

1 Koranar 19:13

Elaeja aa no taa la la, o kpɔ batakaare tɔ sie dɛ le bwebɔɔ la bini ba che o nyoa. Asɛ taa bɛl le dɛ pɛɛro ŋɔ, “Elaeja, bɔkwaa hɛɛ ɛ bonɔ nɔ?”

1 Koranar 19:9

Waa tel bela la, o kaa jo bwebɔɔ bini chɔ jwaana. Belaa Korowii bol waa Elaeja be ŋɔ, “Elaeja, bɔkwaa hɛɛ ɛ bonɔ nɔ?”

1 Samoɛl 13:7

Ba bini banɔ la baa kaa ɡe ɡale Jɔɔdan Moo, dɛ kaa Gad ne Gelead harɛre ta. Kooro Sɔɔl te ka Gelɡal, asɛ ɔmee chole laa tena baa ja o nɛɛ la nɛɛ kohona baa chel.

Amanesoma Mak Aa Chwera Tɔn 14:66

Pita ta lɔ dem baah bela, asɛ Sɔfonomoa la tolo bɛl ba

Amanesoma Luk Aa Chwera Tɔn 22:54

Ba lawɛ Yeesu dɛ kpɔɔ dɛɛ kaa Sɔfonomoa dem, dɛ Pita ne ba baah tɛrɔ, asɛ o teŋɛ ba nɛ.