Amanesoma Mak Aa Chwera Tɔn 14:36 - mzwDBL

³⁶ Dɛ berɛ soŋo ja ŋɔ, “N Mɛɛ, wobɛlbwa toole haa wola won ɛ. N poori, bɛ ɡel n na a ɡɛ wahala nɔ, kɛ ɛ he tetoowaa dɛ ɡel n tetoowa.”

Amanesoma Mak Aa Chwera Tɔn 14:36 Referans Kwoze

Galaasia 4:6

Korowii aa dɛ nyin kɛŋɔ o baɡle kɛŋɔ o biirii yaa la nomanta, o tɛ yaa o Bie la Domadɛɛɡe la o so ya nɛ, asɛ ya won dɛɛ yerɔ ‘n Mɛɛ, n Mɛɛ’, kɛŋɔ bie aa dɛ yerɛ o mɛɛ ɡɛ la.

Amanesoma Jɔn Aa Chwera Tɔn 5:30

Yeesu berɔ ŋɔ, “N ɡbo aa won ɛ wobɛlbwa n bambile ta, nemenɛ anɔ la Korowii aa chaɡ mɛ la. A taa n che dɛ bol nɛra waa dɛɛ pa bole. An ɡela n bole pae toɡre nɔ, dɛkalkɛ waa n Mɛɛ waa tom mɛ la aa kpɔa tɛ mɛ la ɡboo mɛɛ ɛ dɛ ɡel n bambile wa.

2 Timoti 2:13

Dɛ ya ta kasinteŋ tena ɛɛ yaa, o te ta ɛ kasinteŋ te, waa won beɡre o te.”

Amanesoma Jɔn Aa Chwera Tɔn 12:27

Anee Yeesu berɛ ŋɔ, “Taraken n liire ta bobeŋkpoŋ cheɡɛ. Ɛrɛɛ ń soŋe n Mɛɛ ŋɔɔ? Ń soŋo ŋɔ, ‘N Mɛɛ, lɛɛ mɛ le waa nɔ nyoa’ aa? Akai! A ta ɡɛ maɡrɛ, dɛkalkɛŋɔ ɡɛ waa nɔ waa n ba.”

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

Felepae 2:8

Waa baa ɛ nɛwɛnyini la, o pwɛr o te dɛɛ no o Mɛɛ Korowii nyoa wobol, dɛ ɡel ba kpoo. Hale daɡaɡre ta kwaraa ba kpoo.

Amanesoma Jɔn Aa Chwera Tɔn 18:11

Pita aa ɛ ɡɛ la, Yeesu ŋɔ o be ŋɔ, “Kpɔ kere la su o tɔɔ ta! N bɛ wahala n Mɛɛ aa cheɡa ŋɔ ń na la na kɛɛ?”

Amanesoma Mak Aa Chwera Tɔn 10:27

Belaa Yeesu pa sie nyiŋ ba dɛ ŋɔ, “Nɛwɛnyini bee a do kpeɡri, kɛ Korowii be te, wobɛlbwa aa kpeɡe. Wobɛlbwa pwɛre Korowii be.”

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Matiu 6:9

Kenii chɛ kɛ hɛɛ soŋe Korowii, ‘Ya Mɛɛ haa lɔ nyundua, henee chɛ duura.

Jeremia 32:27

“Menee Korowii maa dɛ di kora harɛ nɔ nɛra bwa nɛ, wobɛlbwa toole dɛ do kpeɡri tɛ mɛ.

Yela 40:8

N Naa Korowii, na ɡɛ maa dɛ nyin he waa ɛɛ, n kpɔ he webaɡla la do n bambile bini.”

Mumpar 18:14

Bɔkwa waa kpeɡa men Korowii be maa wola won ɛɔ? Anee n faa bol he be la, benanyoa ne chema saŋ nɔ bɔr n berɛ ba he be la, dɛ Saara dɔ bibaa dawɛ o nakpale ta.”

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

Matiu 26:42

Yeesu berɔ ka soŋe Korowii ja dɛ ŋɔ, “N Mɛɛ, dɛ nae chɛ kɛŋɔ ń na ɡɛ wahala nɔ, ásɛ he laa kpɔ n nɛɛ aa wola maɡre aa, ɛa ɡɛ aa too he tea.”

Amanesoma Mak Aa Chwera Tɔn 14:37

Asɛ Yeesu berɛ ba ba be dɛ ba na o habɔteŋra batoro la kɛŋɔ ba chɔɔɡe doromi. Anee o bɔɔ Seemɔn Pita ŋɔ, “Chɔe he chɔ aa? He ta wone were tamaa bɛlbwa naa?”

Amanesoma Mak Aa Chwera Tɔn 10:39

Anee ba sɛh ŋɔ, “Yaa wonoo.” Belaa Yeesu ŋɔ, “Kpelaa! Hɛɛ nyɔ n tɛɡkpela nɔ anee dɛ́ na n hɔhɔrɔwa nɔ dɔŋa.