Amanesoma Mak Aa Chwera Tɔn 14:2 - mzwDBL

² dɛ ŋɔ, “Nɛndamanta nɔ aa dɛ ba chema ya bena nyoa nɔ dii ta nɔ, dɛ ya kpoo ɡɛ tɔpera nɔ ta naa, baa lɛ ɡaeeh.”

Amanesoma Mak Aa Chwera Tɔn 14:2 Referans Kwoze

Amanesoma Jɔn Aa Chwera Tɔn 12:19

Belaa Farisii tena la bol dɔŋa be ŋɔ, “Hɛlaa yaa hɛlɛ la! Yaa won ɛo wobɛlbwa noo! Na nɛra bwa aa wura teŋɛ o nɛɛ ɡɛ!”

Amanesoma Jɔn Aa Chwera Tɔn 7:40

Nɛnlaa la bini bane no o waa waa bola la, dɛ ŋɔ, “Korowii keame laanee baa nɔ kpela.”

Amanesoma Luk Aa Chwera Tɔn 20:6

Dɛ ya berɔ ŋɔ nɛn bee a le ɡe aa, nɛra nɔ baa lɔ bonɔ nɔ bwa ɛɛ foɡre yaa bwea dɛ́ kpoo yaa, dɛkalkɛŋɔ ba te bwa jemɔ kɛŋɔ Jɔn fa ɛ Korowii keame.”

Amanesoma Mak Aa Chwera Tɔn 11:32

Kɛ dɛ ya ŋɔ nɛwɛnyinii tɛo ɡe aa, aa werii do.” Dɛ ba dɛ ɔmɛ ba ɡbaɡba nɛra la, dɛkalkɛŋɔ dɛ nomɛlbwa yaradao kɛŋɔ Korowii keamee Jɔn.

Amanesoma Mak Aa Chwera Tɔn 11:18

Sɔfonomonome ne Tɔnjerema la aa no a ɡɛ waa nɔ la, belaa ba pa mun dɛɛ nyin ŋwɛnɛ dɛ́ kpo Yeesu. Dɛ ba dɛ ɔmɔ, dɛkalkɛŋɔ dɛ o webaɡla dɛ kpo nɛra bwa nyoa.

Matiu 26:5

Baa chema la dɛ ba berɔ ŋɔ, “Yaa won lawɛ baa nɔ ɡɛ tɔpejen nɔ ta, dɛkalkɛ nɛra noɔ waa, aa werii do. Bwɛɛ nɔ ɛɛ vuuɡuu.”

Wiile 3:27

A chɛ kɛ nɛn hweli ɡɛ bambile nɔ lawa le o bonɔɔne kɛɛ toli saŋ.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Matiu 26:2

“Gɛ haa jema la, kerele ɡbosoroo baa di Galekaa Tɔpejen kondikwaa la. A taa baa ba Men Nɛn Bie lee tɛ nɛra bá kpaa mɛ pɛl daɡaɡre ta, dɛ́ kpo mɛ.”

Amanesoma Mak Aa Chwera Tɔn 14:1

A baa ka tɔpera anɛ ásɛ ba di ba tɔpejen baa dɛ yerɔ Galekaa la. A ɡɛ tɔpera nɔ taa baa di Paanoo Iisi Aa Wola Toole a ta la. Dɛ Sɔfonomonome ne Tɔnjerema la dɛ nyin ŋwɛnɛ bɛl dɛ́ sɔh lawɛ Yeesu dɛ́ kpoo,

Amanesoma Mak Aa Chwera Tɔn 14:3

Yeesu la Bɛtani dɛ ka choɡ Seemɔn weechɔɡa fa aa chɔɡ o bwara ka la dea. Baa dɛ di kwaa la, haah bɛl kpɔ nosɔɔhsoma a yoɡ aa kpeɡa loŋbir bɛl ba jo ba be. O baa paɡre loŋ la dɛ wee nosɔɔhsoma la dɛɛ do Yeesu nyu ta.

Amanesoma Luk Aa Chwera Tɔn 22:1

Aa ka tama ba tɔpejen baa dɛ yerɔ Galekaa baa kpɔ Paanoo Iisi Aa Wola Toole a ta dɛɛ diu la tel la,