Amanesoma Mak Aa Chwera Tɔn 14:14 - mzwDBL

¹⁴ dɛ́ ka jo dem waa jo o ta la. He laŋaa, hé ŋɔ dem te la be ŋɔ nomoa la ŋɔ lee dea o ne o habɔteŋra aa dɛ ba Galekaa kondikwaa o bini dii la dɔɔ?

Amanesoma Mak Aa Chwera Tɔn 14:14 Referans Kwoze

Wepila 3:20

Hɛ́ɛ no! N cheɡɛ doonyoa dɛɛ lɔ ɡbera. Naate waa no n taa dɛ́ ba yaa mɛ la, mɛɛ jo o bee, n ne o pɛ nɔn di kwa.

Amanesoma Jɔn Aa Chwera Tɔn 13:13

He dɛ yer mɛ he dɔɔ kɛɛ he nomoa aa, aŋwɛnɛ taa, dɛkalkɛ ɡɛɛ a do.

Amanesoma Jɔn Aa Chwera Tɔn 11:28

Maata aa bol ɡɛ tonɛ la, o berɔ la dem dɛ ka sɔh bol Mɛɛre be ŋɔ, “Nomoa la balɔ dɛɛ pɛɛ he wa.”

Amanesoma Mak Aa Chwera Tɔn 11:3

Ásɛ dɛ nomɛl bɔɔ heyaa ŋɔ bɔkwaa hɛɛ ba o ne ɛɛ yaa, hé ŋɔ he Dɔɔ dɛ nyinu dɛ́ ɛ waane, ásɛ dɛ berɛ kpɔ ba taraken.”

Amanesoma Mak Aa Chwera Tɔn 10:17

Yeesu aa bera dɛɛ ba ŋwɛnɛ ta lee dɛ kaa la, baa bɛl chwao dɛ ba ɡuŋi o sie dɛ ŋɔ, “Nomondɛɛɡe, ɛrɛɛ chɛ kɛŋɔ ń ɛ dɛ́ dɔ Korowii mkpa aa wola jaɡa dɔe bwa nɔ?”

Amanesoma Mak Aa Chwera Tɔn 14:13

Belaa o tomɛ ba nɛra banɛ dɛ ŋɔ ba be ŋɔ, “Hé la bwɛjen bini. He kaa na baa bɛl o che vii ne nee aa, hé teŋɛ o nɛ

Amanesoma Mak Aa Chwera Tɔn 14:15

Ásɛ o baɡle heyaa abrɔsane doa dea bɛl baa kwaaro dɛ nyin kane bwa cheɡ o bini kɛrɛdɛ la. Belaa hɛɛ ba ya kondikwaa bwa ɛɛ dɛ cheɡ.”

Amanesoma Luk Aa Chwera Tɔn 22:11

ásɛ dɛ ka ŋɔ dem te la be ŋɔ, ‘Ya nomoa ŋɔ dea haa dɛ ba kpɔe tɛ o ne o habɔteŋra ásɛ ba ba so o bini dɛ́ di Galekaa kondikwaa la sɛ?’