Amanesoma Mak Aa Chwera Tɔn 14:1 - mzwDBL

¹ A baa ka tɔpera anɛ ásɛ ba di ba tɔpejen baa dɛ yerɔ Galekaa la. A ɡɛ tɔpera nɔ taa baa di Paanoo Iisi Aa Wola Toole a ta la. Dɛ Sɔfonomonome ne Tɔnjerema la dɛ nyin ŋwɛnɛ bɛl dɛ́ sɔh lawɛ Yeesu dɛ́ kpoo,

Amanesoma Mak Aa Chwera Tɔn 14:1 Referans Kwoze

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 11:47

Anomanta, Sɔfonomonome ne Farisii tena kaa cheme ba Juu tena nomonome baa dɛ nyiŋi ba waa bini la, dɛ ŋɔ, “Aah, ɛrɛɛ yaa ba ɛɛ taraken ɔ? Na nyokpowe-ɛɛla nɔ bwa dɔŋa baa nɔ aa dɛ ɛ.

Matiu 12:14

Belaa Farisii tena la le bela dɛɛ vɔrɔwe kɛ bá kpo Yeesu.

Matiu 6:2

Anomanta, dɛ he dɛ ba nɛn kon kɛɛ yaa, he bɛ kpɔ lɔ dawuro dɛ́ ɡel nɛra jemɛ, ɡɛ nɛra baa na nɛra sie mɔɔ dɛɛ ɛ waa yon dɛɛ ɛ cheremi deene ne fɔɡbaahna la. Ba te dɛ́ nyin kɛ nɛra na ba wedɛɛɡa ɛɛ dɛ́ kpɛɛ ba. Kasinteŋ, ba te dɔ ba kembɔr tonɛ.

Yela 62:9

Nɛwɛnyina bwa do kɛŋɔ nyoa peu ken, nyaara ne kondɔɔhna bwa kɛrɛdɛ. Dɛ ba kpɔ ba dawɛ kon baa kpɔa dɛɛ kari kwaa ta naa, ba fɛɡre dɛ ɡwaa nyoa peu ɡba.

Yela 62:4

He dɛ nyin kɛ he lɔɔ harɛ le bodɛɛɡe waa soɡa, he sie dɛ lɛ nyosone teŋa ta. Wobosoma dɛ le he nyoo, kɛ he bambile ta te, taahna ɡbosoo.

Yela 52:3

He dɛ nyin wechɔɡa dɛ ɡwaa wedɛɛɡa, dɛɛ nyin nyosone dɛ ɡwaa kasinteŋ dii.

Mumpar 37:18

Waa dɛ tel bela la, o dɔɔranar la te tɔ sie nao kɛŋɔ o taa lɔ bojaŋ. O ne bela tela la, dɛ ba te vɔrɔwɔ tonɛ kɛŋɔ ba kpoo.

Kaala 12:1

Korowii bol waa baɡle Mosis ne Arɔn Ijipt harɛ ta ja,

Amanesoma Mak Aa Chwera Tɔn 14:2

dɛ ŋɔ, “Nɛndamanta nɔ aa dɛ ba chema ya bena nyoa nɔ dii ta nɔ, dɛ ya kpoo ɡɛ tɔpera nɔ ta naa, baa lɛ ɡaeeh.”

Amanesoma Mak Aa Chwera Tɔn 14:12

Paanoo Iisi Aa Wola Toole a ta tɔpeloɡle la taa, baa kpoo Galekaa pebiiri dɛ ɛ nawee we-ɛɛla. Awola tɔpere la, Yeesu habɔteŋra la bɔɔro ŋɔ, “Leperaa hɛɛ nyin kɛŋɔ ya ka ɛ Galekaa kondikwaa la tɛɛ he dio?”

We-ɛɛla 12:4

Kooro Hɛrɔd aa lawɛ Pita la, o doo dea dɛ ɡel soojare bananaarɛ bele banaarɛ ɛɛ daahno. Dɛ o fe dɛ lii kɛ dɛ ba di Galekaa Tɔpejen la tonaa, o fee bol Pita waa nɛnfuuh baah ta dɛ́ pa bole ásɛ nomɛlbwa na.

Lewi Dea Tena 2:6

Kuuɡi a bini, ásɛ dɛ fuɡe noo do a ta. A ɛ mea saraha.