Amanesoma Mak Aa Chwera Tɔn 13:32 - mzwDBL

³² Nomɛlbwa aa Korowii Tɔpere la ne saŋ ɡɛ waa la aa dɛ ba chiɡa jemɛ. Nyundua toroma la ne Men Nɛn Bie la ɡba aa jemɛ. N Mɛɛ la ɡboo jema.

Amanesoma Mak Aa Chwera Tɔn 13:32 Referans Kwoze

We-ɛɛla 1:7

Belaa Yeesu ŋɔ, “N Mɛɛ nɔn taa wobɛlbwa ne a tɔpere bwa do. He ta kpeɡri dɔe kɛŋɔ he jemɛ tɔpere la waane aa dɛ ba chiɡa.

Matiu 25:13

Yeesu aa bol ɡɛ tonɛ la, o berɛ ŋɔ, “Anomanta, hé ɡel he sie do le hɛɛ kpa, dɛkalkɛ haa tɔpere la ne ɡɛ saŋ maa dɛ ba bala la jemɛ.”

Wepila 3:3

Hɛ́ɛ lii ɡɛ ba fa aa baɡle heyaa ne waa haa noa la, dɛ́ lawɛ a bini, dɛ́ charɛ he liire le he wechɔɡa ta. Dɛ he ta nyu ne iraa, mɛɛ piɡri heyaa kɛŋɔ ŋwɛɛ ken, haa wola jemɛ ɡɛ saŋ maa ba he be.

Matiu 25:6

Harambaŋa la, nɛra bane nao kɛŋɔ hanfale jaa la dɛ ba, asɛ dɛ kpɔ takpeɡ ŋɔ, ‘Hanfale jaa laanee la oo! Hé le ka chemo!’

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

Matiu 25:19

Aa baa biɡri la, bonɔɔna la dɔɔ la balɔ dɛ ba ŋɔ bɛ́lbwa ba chaɡle ɡɛ waa kpɔ o suuɡa ɛ.

Wepila 1:1

Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.

Amanesoma Mak Aa Chwera Tɔn 13:31

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.