Amanesoma Mak Aa Chwera Tɔn 12:31 - mzwDBL

³¹ Onjen waa teŋa nɛɛ laanee nɔ. ‘Nyin he dɔŋ kɛ he ɡbaɡba.’ Mmara bɛlbwa toole dɛ ɛ onjen dɛ ɡwaa anɛ nɔ.”

Amanesoma Mak Aa Chwera Tɔn 12:31 Referans Kwoze

Matiu 22:39

Onɔ la waa jaa dɛ teŋɛ nɛɛ o waa hiah la ɡee kɛŋɔ, ‘Nyin he dɔŋ kɛ he ɡbaɡba.’

Lewi Dea Tena 19:18

Bɛ he dɔŋ wechɔɡa waa ɛa la kpɔ do he bambile bini dɛ́ ɡe bɔɔ a kem. Hɛ́ɛ nyin dɔŋa kɛ he ɡbaɡba. Men Korowiirii bola.

Amanesoma Luk Aa Chwera Tɔn 10:27

Asɛ baa la ŋɔ, “Dɛ hé nyin N Naa Korowii he bambile bwa, he hweera, he bokpeɡa ne he liire bwa ne, dɛ́ nyin he dɔŋ kɛ he ɡbaɡba.”

Matiu 7:12

Gɛ haa dɛ nyin kɛ nɛra ɛ dɛɛ tɛ heyaa la, hé ɡe ɛ ɡɛ tenten dɛɛ tɛɛ ba. A ɡɛɛ dɛɛ baɡle Mosis Mmara la, ne Korowii keamere la webaɡla la bini kɛrɛdɛ.”

Galaasia 5:14

Maa dɛ ŋɔ nɔ, webeŋkpoŋ bɛl lole dɛ he dɛ ɛ aa, dɛ he tonɛ Mosis Mmara la bwa. Onee kɛŋɔ, “Nyin he dɔŋ kɛ he ɡbaɡba.”

1 Jɔn 4:21

Waa Yeesu Kristo aa kpɔa tɛ yaa laanee nɔ. Nomɛlbwa waa dɛ nyin Korowii la, a chɛ kɛŋɔ ó nyin o dɔŋ ɡe.

Lewi Dea Tena 19:13

Hɛ́ɛ berɛ he dɔŋa faahra, kɛɛ dɛ́ ŋwɛo. He bɛ ɡel nɛn ɛ he toma ásɛ he di o kem tɔɔ per a ta.

Amanesoma Mak Aa Chwera Tɔn 12:32

Asɛ Tɔnjereme la ŋɔ Yeesu be ŋɔ, “Jam, he ɛ wa, Nomoa. He waa nɔ bwa ɛ kasinteŋ. Korowii beŋkpoŋ ɡboo lole. Komɛlbwa toole dɛ dɔ yaa ka ja o nɛ.