Amanesoma Mak Aa Chwera Tɔn 11:17 - mzwDBL

¹⁷ Asɛ o bol waa dɛɛ baɡ ba ŋɔ, “Ba ta chwerɛ ŋɔ, ‘Baa yerɛ n Dea harɛre nɛra bwa Korowii soŋebɔr’ yaa? Gɛɛ he te berɛ kpɔɔ berɛ ŋwɛɛra sɔɔhbɔr aa?”

Amanesoma Mak Aa Chwera Tɔn 11:17 Referans Kwoze

Aesaya 56:7

“Mɛɛ la he ne Saayɔn Bwejen waa do ɡoroŋ taa, dɛ́ tɛ heyaa silɛɛ n soŋebɔr bela. N siwi ɛɛ su kwaa baa fuah ɛ saraha dɛɛ tɛ mɛ n saraha kon ta laanee dɛ́ lɛa, dɛkalkɛŋɔ baa yerɛ n Dea Korowii soŋebɔree tɛ harɛre nɛra bwa.”

Jeremia 7:11

He dɛ lii kɛ n Dea maa ŋɔa baa tom mɛ o bini nɔ ɛ ŋwɛɛra sɔɔhbɔr kɛɛ? N na waa haa dɛ ɛ bwa.

Amanesoma Luk Aa Chwera Tɔn 19:46

O ŋɔ ba be ŋɔ, “Ba chwerɔ do Korowii Tɔn la bini ŋɔ, ‘N dea ɛ Korowii soŋebɔr,’ ɡɛɛ he te berɛ kpɔ bela berɛ ŋwɛɛra sɔɔhbɔr aa?”

Amanesoma Jɔn Aa Chwera Tɔn 2:16

dɛ kɔr banɔ la baa dɛ yoɡ borɔnomare la ŋɔ bá le a ne bela, dɛ ŋɔ ba bɛ o Mɛɛ dem kpɔ berɛ bonadibɔr.

Hosia 12:7

Korowii ŋɔ, “Kon-yoɡra kpɔ kwaa aa wola chɛɛ maɡɛ kwaa dɛɛ faah nɛra, ba sie dɛ lɛ nɛn faahra ta.

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Amanesoma Mak Aa Chwera Tɔn 11:16

O ta sɛɛh nomɛlbwa kpɔ bone bɛlbwa kpɔ Korowii Dea dembaahna la bini.

Amanesoma Jɔn Aa Chwera Tɔn 2:14

Bela la, o nao kɛŋɔ nɛra bane aa dɛ yoɡ nae ne peera ne borɔnomare Korowii Dea bobɛl. Dɛ nɛra baa dɛ peɡri suuɡare ɡe soɡe ba teeburre ta dɛɛ ɛ ba toma.