Amanesoma Mak Aa Chwera Tɔn 10:52 - mzwDBL

⁵² Asɛ Yeesu ŋɔ o be ŋɔ, “Kaa. He yarada haa yarada mɛ la ɡelɔ he dɔ bokpeɡa.” Buɡ la ta, dɛ o wono dɛɛ na, dɛ teŋɛ Yeesu nɛɛ ŋwɛnɛ la ta.

Amanesoma Mak Aa Chwera Tɔn 10:52 Referans Kwoze

Matiu 9:22

Yeesu ke nyiŋi dɛ na haah la, asɛ dɛ ŋɔ, “Tolo, sɔɔh bwara. He yarada haa yarada mɛ la ɡelɔ he ɡbaŋre.” Gɛ waa nɔ taa haah la ɡbaŋre.

Amanesoma Luk Aa Chwera Tɔn 7:50

Asɛ Yeesu ŋɔ haah la be ŋɔ, “He yarada haa yarada mɛ nɔ lɛɛ. Ir dɛɛ la. Kórowii tɛɛ bosɔɔhna.”

Amanesoma Mak Aa Chwera Tɔn 8:25

Yeesu berɔ kpɔ nɔɔra dawɛ o sie ta ja, o nyiŋi bɔr jeiih ken, dɛ a maɡrɔ, name te wɛɛ na bɔr ɡereŋ.

Amanesoma Mak Aa Chwera Tɔn 5:34

Yeesu ŋɔ o be ŋɔ, “Tolo, he yarada lɛɛ. Kaa bosɔɔhna ne, ásɛ he bwara do kpeɡri.”

Amanesoma Jɔn Aa Chwera Tɔn 9:32

Le harɛ mumpar bwa, umee noa kɛŋɔ nomɛl wono pili nɛn baa lolɔ dɛ o nyoŋɔ sie bwa nɔ?

Matiu 15:28

Anee Yeesu ŋɔ o be ŋɔ, “Gɛ haa dɛ yarada mɛ la kan kɛrɛdɛ! Gɛ haa dɛ nyin la, aa ɛ ɡɛɛ tɛɛ.” Buɡ la ta, bie la ɡbaŋre.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

Amanesoma Mak Aa Chwera Tɔn 1:31

Asɛ o la o be dɛ ka lawɔ ir. Belaa a le o nɛ o bwara sɔɔhno, asɛ o ir dɛ daa kwaa tɛɛ ba.

Matiu 21:14

Ba kpɔ nyoŋa ne boobie ba o be Korowii Dea bela, asɛ o chaah ba, nyoŋa la ɛɛ na, boobie la ɡe won vala.

Matiu 12:22

Asɛ nɛra bane kpɔ baa bɛl kwaa aa dɛ ir o nɛɛ dɛ ɡel o nyoŋe, waa wola won waa ɡe bol ba Yeesu be, asɛ o chah baa la dɛ ɡel wɛɛ na dɛ won waa ɡe bola.

Amanesoma Jɔn Aa Chwera Tɔn 9:39

Asɛ Yeesu ŋɔ, “Nɛra waa bola dɛ́ pa bole waa n ba harɛ nɔ ta, ásɛ nyoŋa berɛ dɛɛ na, ásɛ banɔ la ɡe baa dɛ na la berɛ nyoŋa.”

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Aesaya 35:5

O balaa, nyoŋa sie ɛɛ piluu bá na bɔr, ásɛ amumure ɡe no wa.

Yela 146:8

dɛ ɡel nyoŋa berɛ dɛɛ na. O lawɛ nɛra baa chola dɛɛ ir, o dɛ nyin nɛra ba wa aa toɡra wa.

Yela 33:9

Nyoa wobol nee Korowii ta harɛ, asɛ komɛlbwa do le, dɛ ɛ ɡɛ waa ŋɔa.

Amanesoma Luk Aa Chwera Tɔn 9:48

dɛ ŋɔ ba be ŋɔ, “Nomɛlbwa waa koh n waa dɛ nyiŋi bie nɔ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ naate waa tom mɛ laanee o nyiŋi la. Naate waa ɛ o te bechala he bini la, onee nomoa.”

Matiu 8:3

Yeesu tɛr o nɔn dɛ leɡo dɛ ŋɔ, “N sɛoh. N ɡelɔ he bwara kwaa.” Buɡ la ta, weela la den le o nɛ.