Amanesoma Mak Aa Chwera Tɔn 10:51 - mzwDBL

⁵¹ Belaa Yeesu bɔɔro ŋɔ, “Bɔkwaa he ŋɔ ń ɛ tɛɛ nɔ?” Asɛ nyoŋe la ŋɔ, “Nomoa, n dɛ nyin ń won dɛɛ na.”

Amanesoma Mak Aa Chwera Tɔn 10:51 Referans Kwoze

Amanesoma Mak Aa Chwera Tɔn 10:36

Asɛ Yeesu ŋɔ, “Bɔkwaa yɔ?”

Matiu 7:7

Anee Yeesu berɛ ŋɔ, “Hɛ́ɛ soŋe Korowii, wɛɛ tɛ heyaa. Hɛ́ɛ nyin he konnyina o be, hɛɛ dɔɔ. Hé swɛɛ siwi dɛɛ lɔ ɡbera, wɛɛ ya heyaa.

2 Webena 1:7

Waa lɔ Gebeɔn bela la, Korowii ba o be jwaana deera ta, dɛ ba ŋɔ o be ŋɔ, “Baɡle komɛlbwa haa dɛ nyin ásɛ n kpɔ tɛɛ.”

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

Matiu 6:8

He bɛ ɛ kɛ ban. He Mɛɛ la jemɛ he wenyina bwa mɔɔ hɛɛ soŋo.

Matiu 23:7

Ba dɛ nyin kɛŋɔ nɛra ba harɛ, dɛɛ lea ba yawa ta ne fɔɡbaahna, dɛɛ yer ba ‘Nomoa, nomoa.’

Amanesoma Jɔn Aa Chwera Tɔn 20:16

Anee Yeesu yerɔ ŋɔ, “Mɛɛre.” Asɛ o berɛ sie o be dɛ kpɔ Aram tena wobol ŋɔ, “Raboni!” O munii Nomoa, dɛ ka lawɔ kpoŋe.

Matiu 23:8

He bɛ ɡel nomɛlbwa yerɛ heyaa ba nomoa, dɛkalkɛ he bwa kɛrɛdɛ. Nomoa beŋkpoŋ ɡbo ɡee he dɔ.

Amanesoma Mak Aa Chwera Tɔn 10:50

Asɛ o wur o yal viɡri, dɛ jah ir che dɛ ba Yeesu be.

We-ɛɛla 23:19

Belaa nomoa la lawɛ bonɔɔ la nɔn dɛ le o ne bokɛre dɛ pɛɛro ŋɔ, “Bɔkwa waa he dɔ dɛɛ nyin he bol n be nɔ?”