Amanesoma Mak Aa Chwera Tɔn 10:34 - mzwDBL

³⁴ Baa di n loroo, dɛ́ tata nentane ta n nɛ, dɛ chacha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ. Kɛ a tɔpetooro wee mɛɛ berɔɔ ir seo ta.”

Amanesoma Mak Aa Chwera Tɔn 10:34 Referans Kwoze

Amanesoma Mak Aa Chwera Tɔn 14:65

Dɛ bane ta nentane dɛɛ ta o nɛ, asɛ bane ɡe kpɔ nɔɔra tɔ o sie dɛɛ lɔɔro dɛɛ tɔɔ kande dɛ ŋɔ ó jemɛ naate waa lɔɔ. Asɛ soojare baa dɛ daah bela la kpakpaa o lwɛrɛme.

Matiu 26:67

Ba ta nentane ta o siebɔr dɛ lɔɔro, dɛ tɔɔ kande. Banɔ la baa dɛ kpaa o lwɛrɛme dɛɛ chuɡru kwɛɛrɛre la yon berɛ pɛɛro ŋɔ,

Matiu 16:21

Le ɡɛ saŋ la, Yeesu bol waa chasee ken dɛɛ baɡle o habɔteŋra la, dɛ ŋɔ, “A chɛ kɛŋɔ ń kaa Jerusalam, dɛ́ ka na wahala bela nomonome ne Sɔfonomonome ne Tɔnjerema nɔn ta, ásɛ ba kpo mɛ, ásɛ a tɔpetooro wee la, ń ir seo ta.”

1 Kɔrent 15:4

Ba huɡo, asɛ a tɔpetooro wee la Korowii iru seo ta. Gɛɛ Korowii Tɔn baɡle mɔɔ a ɛ.

Amanesoma Jɔn Aa Chwera Tɔn 2:10

Anomanta, o yerɛ hanfale jaa la dɛ ŋɔ o be ŋɔ, “Nomɛlbwa dɛ ba nɛra sen tɛɛ yaa, andɛɛɡa nee o yon tɔ sie le, ásɛ nɛra bwa aa dɔ kohona nyɔ la, mɔɔ o yon le anɔ la aa wola somɛ la ne ásɛ baa nyɔ. Ɛrɛɛ he te tɔ sendɛɛɡa cheɡ dɛ ka mun dɛɛ ba a ne nɔɔ?”

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Amanesoma Luk Aa Chwera Tɔn 23:11

Asɛ Kooro Hɛrɔd ne o soojare ɛɛ muɡli o baah dɛɛ mamɔ, dɛ ka kpɔ koowur ba doo dɛ berɛ kpɔɔ ka tɛ Paelet.

Amanesoma Mak Aa Chwera Tɔn 14:63

Asɛ Sɔfonomoa la laa o ɡbaɡba laala waa doa la kɛɛ dɛ ŋɔ, “Bɔkwa danseɛ yá berɛ so dɛ́ɛ nyin jaɔ?

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Aesaya 50:6

N berɛ n nyaŋ tɛ nɛra ba lɔɔ, dɛ kpɔ n taŋɡbaɡre ɡe tɛ nɛra ba chuɡri n tampona. N ta n sie laa fɛr sihihwaa ne nentane baa taa ta n sie ta.

Yela 16:10

tɔe haa dɛ tɔ mɛ ɡbemɡbe, dɛɛ le seo ta la wa. Haa he Bidɛɛɡe waa soeh ba lalabwɛ, haa ɡel ó chɔ bɔɔ bini pɔh.

Hosia 6:2

Tɔpera anɛ habɔɔ la wɛɛ lawɛ yaa ir, tɔpetooro wee la, wɛɛ berɔ ba ya ne ya buɡ ta, ásɛ ya do o sie.

Yela 22:13

Ba hah nyoo kɛŋɔ nyujentena, dɛɛ kɔɡre, dɛ́ toɡri n ola.

Job Tɔn 30:10

Ba hah mɛ, baa men bɛne, baa waa haŋre, dɛ ta nentane dɛɛ ta n siebɔr.

Matiu 27:63

dɛ ŋɔ o be ŋɔ, “Nomoa, ɡɛ saŋ a ɡɛ nyosonteŋni nɔ aa wola sewɛ mɔɔ la, dɛ o dɛ bol ŋɔ dɛ o sewaa, tɔpera atoro wɛɛ iruu ja.

Amanesoma Mak Aa Chwera Tɔn 9:31

dɛkalkɛŋɔ dɛ o dɛ baɡle o habɔteŋra la wa, dɛɛ ŋɔ, “Ba dɛ ba Men Nɛn Bie lee do nɛra nɔn ta, ásɛ ba kpo mɛ, ásɛ a tɔpetooro wee la, ń ir seo ta.”