Amanesoma Mak Aa Chwera Tɔn 10:30 - mzwDBL

³⁰ wɛɛ dɔ a ɡɛ bwɛɛre ne nimanar ne dɔɔranar ne nyawa ne bii, dɛ kooni nɔ bɛlbwa kembɔree kera lafa harɛ nɔ ta, dɛ́ ja hɔhɔrɔwa nɛra aa dɛ ba o haeh dɛ́ ɛo la ta. A bwa habɔɔ la, wɛɛ dɔ Korowii mkpa aa wola jaɡa dɔe ɡee nyundua ja.

Amanesoma Mak Aa Chwera Tɔn 10:30 Referans Kwoze

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Amanesoma Luk Aa Chwera Tɔn 18:30

wɛɛ dɔ banee dɛ́ ɡwaa ɡɛ harɛ ta bonɔ. A bwa habɔɔ la, wɛɛ dɔ Korowii mkpa aa wola jaɡa dɔe nyundua laanee ja.”

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Jems 5:11

Ya dɛ yerɛ nɛra baa wona lawɛ bambile, dɛ che kiŋkiŋ la nɛra baa na som. He fa no Job wa, ɡɛ waa wona lawɛ bambile dɛ che kiŋkiŋ o wahala bini ka tonɛ, asɛ a habɔɔ Korowii chao. Nɛra waa dɛ domɛ Korowii tea wɛɛ sune ba nɛ.

Sɛɡla 16:16

A wer kɛŋɔ haa dɔ wejema ne waa mun noe, dɛ ɡwaa kɛŋɔ haa dɔ suuɡaswɛm ne suuɡapoŋa!

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.

1 Timoti 6:6

Nɛn haa dɛ tomɛ Korowii, he siwi ɛɛ su komɛlbwa Korowii aa tɛɛ la, he ɛ kondɔɔh tenten.

We-ɛɛla 5:41

Baa le nomonome la be, dɛ ba sie lɛo kohona kɛŋɔ Korowii aa tɛɛ ba sɔn dɛ ɡel ba ɡe maɡa nɔ dɔŋ won koh Yeesu waa dɛ di sihiih ne weweele la.

2 Webena 25:9

Anee Kooro Amasea bɔɔ Korowii keame la ŋɔ, “Ɛrɛɛ suuɡapoŋa a tɔɡre aa ɛ kilore kaɡboŋa atoro lafraanaarɛ maa bɔa tɛ Israel laa tena la waɔ?” Anee o ŋɔ, “Korowii ɛɛ won berɛ tɛɛ ane a ɡwaa ɡɛ.”

1 Jɔn 3:1

Hé na nyina ya Mɛɛ waa lɔ nyundua aa dɛ nyin yaa, dɛɛ yerɛ yaa o bii. Ya ɛ o bii kpela. A waa ɡela nɛra baa dɔ harɛ nɔ ta ɡbo liire aa wola yaa jemɛ la. Gɛ baa wola Korowii jemɛ la, ɡɛɛ baa wola ya ɡe jemɛ.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

Tɔn Pɔɔl Aa Chwerɛ Rom Tena 5:3

A ɡbo ta laa ya dɔ silɛɛ. Ya sie dɛ lɛ ya wahala yaa dɛ na nɔ ta, dɛkalkɛŋɔ ya jemɔ kɛŋɔ anee dɛɛ ba ɡela ya dɔ bambile.

We-ɛɛla 16:25

Harambaŋa la, dɛ Pɔɔl ne Silas dɛ soŋe Korowii dɛ ɡo yela dɛɛ kpɛɛ Korowii, asɛ nɛra baa do ba dea ja ba nɛɛ la ɛɛ no ba be.

Amanesoma Jɔn Aa Chwera Tɔn 10:23

Dɛ Yeesu dɛ valɛ Korowii Dea doonyoa bela baa dɛ yerɔ Solomɔn Doonyoa la,

Matiu 12:32

Nomɛlbwa waa bol waa yaɡɛ Men Nɛn Bie la, wɛɛ wonoo kpɔ kɛo. Kɛ nomɛlbwa waa bol wobochɔɡa yaɡɛ Korowii Domadɛɛɡe la te, fini ne kere, Korowii aa kpɔ kɛo bwa.”

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Wepila 2:9

N jemɛ he wahala ne he nyae wa, kɛ he ɛ dɔɔhna taeh. N jemɛ wechɔɡa nɛra baa dɛ yerɛ ba te Juu tena kɛ dɛ ɛ Bɔnsam habɔteŋra la aa bola dawɛ he nɛ.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

1 Jɔn 2:25

Dɛ ya ne Yeesu ne o Mɛɛ wono pɛ aa, a taa yaa ba cheɡa, dɛ́ dɔ Korowii mkpa aa wola jaɡa dɔe Yeesu aa baɡɛ yaa nyoa la.

Matiu 13:8

Kɛ anɔ la aa lee harɛdɛɛɡe ta la te leɔ, asɛ dɛ ma kohona. Ane ma lafare, ane ma fifraanunumɛla, asɛ ane ɡe ma fifraatotoro.”

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.