Amanesoma Mak Aa Chwera Tɔn 10:22 - mzwDBL

²² Yeesu aa ŋɔ ɡɛ la, ate dɛ o tea bini chɔɡɔ, asɛ o berɛ ɡure nyu su, dɛkalkɛŋɔ dɛ o dɔ kwaa kɛrɛdɛ.

Amanesoma Mak Aa Chwera Tɔn 10:22 Referans Kwoze

Amanesoma Luk Aa Chwera Tɔn 12:15

O ŋɔ ba be ŋɔ, “Hé ɡel he sie chɔ harɛ he nyiŋi kɛrɛdɛ dɛ bɛ kwaa dɛɛ kam, dɛkalkɛŋɔ nɛwɛnyini kondɔɔh kohona laa o mkpa.”

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

2 Kɔrent 7:10

Nɛwɛnyini tea bini chɔɡɔ ɡɛ Korowii aa dɛ nyin kɛ wɛɛ ɛ aa, a ɡelɔ wɛɛ charɛ o liire. A ɡɛ waa nɔɔ dɛɛ ba Korowii mkpa ne. Anomanta, a ta chɛ kɛ ya ɡel ya tea bini chɔɡ a ta. Kɛ harɛ bonɔ tebinichɔɡ te, seo nee aa ba.

Amanesoma Luk Aa Chwera Tɔn 18:23

Baa la aa no ɡɛ waa nɔ la, o tea bini chɔɡɔ, dɛkalkɛŋɔ dɛ o dɔ suuɡa taeh.

Matiu 19:22

Baa la aa no ɡɛ Yeesu aa bola la, o tea bini chɔɡɔ, o laa berɛ kaa, dɛkalkɛ dɛ o dɔ kondɔɔh taeh.

Matiu 13:22

Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

Amanesoma Mak Aa Chwera Tɔn 6:26

Waa nɔ we kooro la nɛɛ kɛrɛdɛ, kɛ o ntam waa ŋwɛɛra la ne nɛra baa soɡe bela la nomanta, waa nyin kɛŋɔ o koni o ntam la.

Matiu 27:3

Judas la waa le Yeesu tɛ ba dɔɔ lawɛ la aa bera na kɛ ba dɛ nyin ba kpo Yeesu la, a we o nɛ, asɛ o berɛ charɛ o liire kɛŋɔ o fe jemaa, o fe ta suuɡa la lɛɛ dɛ le Yeesu tɛ, asɛ dɛ berɛ kpɔ suuɡapoŋa fifraatoro la ka tɛ Sɔfonomonome la ne bwɛɛ nomonome la, dɛ ŋɔ,

Amanesoma Mak Aa Chwera Tɔn 6:20

Kooro la ɔmɛ Jɔn, dɛkalkɛ Jɔn ɛ nɛndɛɛɡe o waa toɡre, anomanta, o nyiŋu kɛrɛdɛ. Jɔn aa dɛ bol waa la, kooro la bwara yɔrɔ, kɛ ane a bwa, o no waa la silɛɛ ne.

Amanesoma Mak Aa Chwera Tɔn 10:21

Yeesu nyiŋu, o sie lɛ o nɛ, dɛ ŋɔ o be ŋɔ, “A ka he webeŋkpoŋ. La ka yoɡ kwaa haa dɔa bwa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kondɔɔh cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Mak Aa Chwera Tɔn 10:23

Asɛ Yeesu ke nyiŋi o habɔteŋra la dɛ ŋɔ, “Aa do kpeɡrii tɛ dɔɔhna kɛŋɔ bá dɔ bɔr ja Korowii Kora la ta.”