Amanesoma Mak Aa Chwera Tɔn 1:35 - mzwDBL

³⁵ Tɔ aa pera chɔmbibi la, Yeesu iro le dem bela dɛ kaa bela aa hela, dɛ ka soŋe Korowii.

Amanesoma Mak Aa Chwera Tɔn 1:35 Referans Kwoze

Amanesoma Luk Aa Chwera Tɔn 6:12

Yeesu aa le bela la, o la deŋɡare bɛl ta bela nomɛlbwa aa wola toole, dɛ ka do bela dɛɛ soŋe Korowii jwaana la bwa.

Ɛfesos 6:18

Hɛ́ɛ soŋo harɛ bini soŋa nɔ bwa. Hé che Korowii Domadɛɛɡe la kpeɡri ta, dɛ́ɛ soŋo saŋ bɛlbwa. He bɛ dom dɛɛ chɔ. Hɛ́ɛ soŋe Korowii saŋ bɛlbwa dɛ́ɛ tɛ o nɛra la bwa.

Amanesoma Luk Aa Chwera Tɔn 5:16

Dɛ ba dɛ ba o be ɡɛ naa, ɡɛɛ o yon laa o te kpɔ ba bini, dɛ́ kaa bela nomɛlbwa aa wola toole dɛ́ kaa soŋe Korowii.

Yela 5:3

N Naa Korowii, chɔɔ bɛlbwa he dɛ no n taa. Chɔɔbɔr n kpɔ n wesoŋa dɛɛ bil he sie, dɛɛ kpa ɡɛ haa chaŋ mɛ.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

Amanesoma Jɔn Aa Chwera Tɔn 6:15

Belaa Yeesu na kɛŋɔ nɛra la dɛ nyin kɛ ba lawɔ dɛ́ cheɡo kora kpeɡri ne ó di, asɛ o sɔh le ba bini dɛ ɡbo ka so bwe la doa ja.

Matiu 14:23

Nɛra la aa kaala la, o teehnɔ kaa bwejen bɛl doa, dɛ ka soŋe Korowii bela. Bɔr aa baa ɡarɛ bwa, dɛ o ɡbo ta lɔ bela.

Felepae 2:5

Gɛ Yeesu Kristo aa doa la, ɡɛɛ a chɛ kɛ he do.

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Yela 109:4

Ba kpɔ haeh chiɡ darame naa ta, kɛ n te, hen Korowiirii n soŋe dɛɛ tɛɛ ba.

Matiu 14:13

Yeesu aa no ɡɛ waa nɔ la, o le nɛra baah dɛ ka kpɔ ɡbera dɛ kaa bela nomɛlbwa aa wola toole. Nɛra no ɡɛ waa la, dɛ le ba bwɛɛre ta dɛ kpɔ naa ta dɛ tiu.

Amanesoma Mak Aa Chwera Tɔn 1:36

Belaa Seemɔn ne o bala la ir dɛ kaa ɡaaɡe o bɔr.