Amanesoma Mak Aa Chwera Tɔn 1:22 - mzwDBL

²² O webaɡla la ɛɛ ba nyokpoa, dɛkalkɛŋɔ a ta do kɛ ɡɛ Tɔnjerema la yon dɛɛ baɡle la. O te dɛ bol waa kɛ nɛn waa dɔ waa bwa kpeɡri ken.

Amanesoma Mak Aa Chwera Tɔn 1:22 Referans Kwoze

Matiu 13:54

dɛ berɛ kaa o ɡbaɡba bwɛ. O baɡle nɛra waa ba cheremi dea ta, asɛ nɛra baa no o webaɡla la bwa nyoa kpo, baa pɛɛ dɔŋa ŋɔ, “Leperaa o le ɡɛ wejema nɔ ne nɔɔ? Asɛ nyokpowaa waa dɛ ɛ nɔ ɡeɔ?

Amanesoma Jɔn Aa Chwera Tɔn 7:46

Anee ba ŋɔ, “Baa la waa waa dɛ bol la, nomɛlbwa ta o wobol dɔŋa bolɛ bwa.”

Amanesoma Luk Aa Chwera Tɔn 4:32

asɛ ɡɛ waa dɛ baɡle Korowii Waa la ɛ ba bwa nyokpoa, dɛkalkɛŋɔ dɛ o dɛ bol waa kpeɡri ne.

Jeremia 23:29

N waa la do kɛŋɔ nii, dɛ berɛ do kɛ hamba waa won bwea paɡra burbur ken. Men Korowiirii bola.

2 Kɔrent 4:2

Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.

We-ɛɛla 6:10

Baa dɛ tɔŋlo la, Korowii Domadɛɛɡe la tɛ Steeven wejema kohona, dɛ ɡel wobɛlbwa waa bola la, baa wechɔɡe bɛlbwa na a ta. O bol waa la bwa bɔ ba.

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

Amanesoma Mak Aa Chwera Tɔn 1:23

Belaa baa bɛl kwaa aa dɛ ir o nɛɛ ba cheremi dea bela dɛ ba nyɛɡ ŋɔ,

Amanesoma Luk Aa Chwera Tɔn 2:47

Nɛra baa lɔ bela dɛɛ no waa la bwa nyoa kpo ɡɛ waa jemɛ waa kohona, ne ɡɛ baa dɛ bɔɔro waa asɛ o won dɛɛ baɡle a bini kɛrɛdɛ la ta.