Amanesoma Mak Aa Chwera Tɔn 1:20 - mzwDBL

²⁰ Belaa Yeesu yer ba, asɛ ba ɡel ba mɛɛ Sebedii ne paa tena baa kpɔ ba ja ba nɛɛ la ɡbera la bini dɛ ka teŋɛ o nɛ.

Amanesoma Mak Aa Chwera Tɔn 1:20 Referans Kwoze

Amanesoma Luk Aa Chwera Tɔn 14:26

“Dɛ nomɛlbwa ba n be o ta men nyine ɡwaa o mɛɛ ne o nya, ne o haah ne bii, o dɔɔranar ne nimanar ne nimambii dɛ o ɡbaɡba aa, waa won ɛ n habɔteŋre.

Amanesoma Mak Aa Chwera Tɔn 10:29

Asɛ Yeesu ŋɔ, “Kasinteŋ, n dɛ ŋɔ he be, nomɛlbwa waa koh n ne Amanesoma nɔ waa dɛ ɡel o bwɛɛ tena ne o nimanar ne o dɔɔranar ne o nahaahnanar, ne o nya ne o mɛɛ, ne o bii dɛ o kooni la,

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

2 Kɔrent 5:16

Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.

1 Koranar 19:20

Elaesa ɡel nae la dɛ chwa teŋɛ Elaeja nɛɛ dɛ ŋɔ, “Gel ń ka kal n nya ne n mɛɛ dɛ́ ba n ne he kaa.” Anee Elaeja ŋɔ, “Hɛɛ won berɛ kaa, kɛ lii anɔ la bwa maa ɛa tɛɛ.”

Mmarare 33:9

Banee lawɛ he waa bini kpoŋe ɡwaa ba nyare ne mɛɛnanar, ne ba dɔɔranar kɛɛ biirere. Ba teŋɛ he waa ta dɛɛ di kasinteŋ he fɔo he ne baa fɔwa la ta.

Amanesoma Mak Aa Chwera Tɔn 1:19

Baa le bela dɛ la sie tama ken la, o na baala banɛ bane, Sebedii bii Jems ne o nime Jɔn, baa lɔ ba ɡbera bini dɛɛ tɔɔɡe ba asauri.

Amanesoma Mak Aa Chwera Tɔn 1:21

Yeesu ne o habɔteŋra la Kapeeneɔm, asɛ Ona Tɔpere la, o la cheremi dea dɛ ka baɡle wa.

Amanesoma Luk Aa Chwera Tɔn 5:11

Baa tawɛ ba ɡbeni la ba chuɡe dɛ lawa vɔrɔwe la, ba ɡel wobɛlbwa dɛɛ teŋɛ Yeesu nɛ.