Mmarare 9:29 - mzwDBL

²⁹ Kɛ dɛ ba ɛ he nɛra, he kapɛrɛ diile haa kpɔ he kpeɡri waa kana ne he bokpeɡa dɛ lee ba tɛ he te.’ ”

Mmarare 9:29 Referans Kwoze

Nehemia 1:10

N Naa Korowii, ba ɛ he bonɔɔna ne he ɡbaɡba nɛra. He kpeɡri ne he bokpeɡa nee he lɛɛ ba.

1 Koranar 8:51

Ya ɛ he nɛra, he kapɛrɛ diile haa kpɔ yaa le Ijipt harɛ ta yaa na bonyɛɡa kohona la.

Mmarare 9:26

N soŋe Korowii kɛŋɔ, ‘Nemenɛ Korowii haa dɛ di komɛlbwa kpeɡri, n poori bɛ he nɛra haa kpɔ he kpeɡri waa kana dɛ lɛɛ ba le Ijipt harɛ ta la chɔɡ ta.

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

Yela 95:7

Onee Korowii yaa dɛ tomɛ, o nɛraa yan wɛɛ nyiŋi ya nɛɛ kɛŋɔ peteɡre yon dɛɛ nyiŋi peera nɛɛ la ken. Waa Korowii aa dɛ bol he be fini laanee nɔ,

Mmarare 4:20

He te la, Korowiirii kpɔ heyaa le Ijipt harɛ bela waa do wɔrɔbe he nɛɛ kɛŋɔ bela loɡre aa dɛ do buni wɛɛ be la, dɛ ŋɔ hé ba ɛ o ɡbaɡba nɛra ba le fini la.

Aesaya 63:19

Ya do kɛŋɔ nɛra he fa aa wola ya nɛɛ nyiŋe ka, kɛɛ ya ta he nɛra ɛɛ ken.

Yela 100:3

Hé jemɛ kɛŋɔ onee Korowii. Onee ta yaa, dɛ dɔ yaa, O nɛraa yan, ya do kɛŋɔ peera ken o sie.

1 Koranar 8:15

Asɛ o ŋɔ, “Hé kpɛɛ Korowii ya Israel tena aa dɛ tomɔ! O teŋɛ nyoa waa baɡɛ n mɛɛ Kooro Devid la ta dɛ ŋɔ,

Kaala 33:13

He sie lɛ n nɛɛ tenaa, baɡ mɛ he ŋwɛnɛre, ásɛ n jemɛ kɛrɛdɛ he sie ɛɛ lɛ n nɛ. Berɛ lii kɛŋɔ nɛra nɔ bwa ɛ he ɡbabir nɛra.”

Kaala 34:9

Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”

Yela 28:9

N Naa Korowii, ba lɛ he nɛra, dɛ́ swee andɛɛɡa tɛɛ ba. Nyiŋi ba nɛ kɛŋɔ peteɡre kaa saŋ waa wola jaɡa dɔe.

Yela 77:15

He cheɡɛ he kpeɡri ta dɛ lɛ he nɛra, Jekɔb ne Josef naanar bwa.

Yela 106:40

Anomanta, he baah di he nɛra nɛɛ kohona, asɛ he ki ba we-ɛɛla.

Yela 136:12

O kpeɡri nee o lɛɛ ba. O nyina lole saŋ bɛlbwa dɛɛ la.

Jeremia 27:5

“N kpeɡri waa kana kohona nee n ta harɛ nɔ bwa ne nɛwɛnyini dɛ ola aa lɔ o ta bwa, dɛ kpɔa do nomɛlbwa maa leo nɔn ta.

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Kaala 19:5

Dɛ hɛɛ dɛɛ no n deŋna waa, dɛ́ ɡel n ne he fɔo la che kɛrɛdɛ tenaa, mɛɛ kpɔ heyaa ɛ n nɛra n siwi aa dɛ su ba harɛ nɔ ta bwa nɛra bini. Menee dɔ harɛ nɔ bwa te,

Mmarare 9:12

Belaa Korowii ŋɔ n be ŋɔ, ‘Tu le bonɔ kaa warane, he nɛra haa le ba ne Ijipt harɛ ta ba la ɛ wechɔɡa. Ba deno le waa maa do ba a ta la ta dɛ ɛ voɡ dɛɛ tomɔ.’

Mmarare 32:9

Dɛkalkɛ Jekɔb naanar te, Korowii ɡbaɡba lee ba dɛ kpɔ ba ɛ o nɛra.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.