Mmarare 9:18 - mzwDBL

¹⁸ Asɛ n berɛ chole dɛ kpɔ n sie pi harɛ Korowii sie tɔpera fifraanaarɛ webaŋa ne jwaana ɡɛ n fa aa kaa di bwejen la ta la. Dɛ maa kwaa di maa nee ɡe nyɔ, he wechɔɡa haa ɛ Korowii o baah di la nomanta.

Mmarare 9:18 Referans Kwoze

Kaala 34:28

Mosis soɡe Korowii be bela tɔpera fifraanaarɛ chɔɔ ne jwaana. Dɛ waa kwaa di waa nee ɡe nyɔ. Asɛ Korowii chwerɛ o fɔo waa la dawɛ bwepɛle anɛ Mosis aa sɛah la ta. O Mmara fi laanee o chwerɛ dawɛ a ta.

Mmarare 9:9

Gɛ saŋ maa la bwejen la ta dɛ ka lɛ bwepɛle Korowii aa chwerɛ fɔo he ne waa fɔwa dawɛ a ta la, n soɡe bela webaŋa ne jwaana ɡɛ tɔpera fifraanaarɛ. N ta kwaa dii, n ta nee ɡe nyɔe.

Yela 106:23

He baah diu dɛ fee ŋɔ hɛɛ chɔɡ baa, kɛ Mosis waa ɛ he bonɔɔ, he leo tɛ he te la soŋe, dɛ sɔɔh he bandia nyoa, he ta ban chɔɡɛ kpa.

2 Samoɛl 12:16

Kooro Devid soŋe Korowii, kɛŋɔ ó ɡel bie la dɔ bokpeɡa. Dɛ o vɔwɛ nyoa, dɛ́ yon ka jo dea jwaana dɛ́ chɔ harɛ.

Mmarare 10:10

“N berɔ so bwejen la ta tɔpera fifraanaarɛ webaŋa ne jwaana, ɡɛ n fa aa ɛa loɡla la, asɛ Korowii berɛ no n wesoŋa ja, dɛ ŋɔ waa heyaa kpoo.

Kaala 34:9

Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”

Mmarare 9:17

Anomanta, n kpɔ bwepɛle anɛ la ɡo harɛ a bwa paɡre wɛjɛwɛjɛ ken he siwi ta.

Mmarare 9:25

Anomanta, n kpɔ n sie pi harɛ Korowii sie ɡɛ tɔpera fifraanaarɛ la ta webaŋa ne jwaana bwa, dɛkalkɛŋɔ n nao kɛŋɔ o dɛ nyin o chɔɡ heya.

1 Koranar 19:8

Asɛ o ir di kwaa la, dɛ nyɔ ne. Kondikwaa la chao dɛ tɛo bokpeɡa o won valɛ tɔpera fifraanaarɛ chɔɔ ne jwaana, dɛ kaa Korowii Sinai Bwejen waa do ɡoroŋ la bɔr.

Ɛsra 10:6

Asɛ Ɛsra le Korowii Dea la sie bela dɛ kaa Eliasib bibaa Jehohanan dea. Waa lɔ bela la, o ta kondikwaa dii dɛ vɛh nee ɡe nyɔe, dɛkalkɛŋɔ dɛ o tea bini chɔɡɔ, nɛra baa kaa bane bojaŋ harɛfale ta, ba berɛ ba ba kasinteŋ bɛ dɔe la wa.