Mmarare 7:7 - mzwDBL

⁷ Wara laa he warɛ Korowii koh a waa nyin heyaa dɛ le heyaa kɛ o nɛra, heyaa fe wola kanɛ kwaraa.

Mmarare 7:7 Referans Kwoze

Mmarare 10:22

He naawa ba fa aa kaa Ijipt harɛ ta la, dɛ ba lɔ nɛra fifraanuanɛ ɡbo. Kɛ taraken Korowii ɡelɔ he mun ya he warɛ kɛŋɔ weweela ken.”

Tɔn Pɔɔl Aa Chwerɛ Rom Tena 11:6

Ba we-ɛɛla ta laa a che o lee ba. Ba sumii o na dɛ lee ba ba ɛ o nɛra. Dɛ ba we-ɛɛla taa a fe che o lee ba ba ɛ o nɛra aa, dɛ suna baa ŋɔa Korowii dɛ sune nɛwɛnyini nɛɛ dɛɛ cha ba la ta mun dɔe.

1 Jɔn 4:10

Anɔɔ dɛɛ baɡle ɡɛ nyina tenten aa doa. Ya te nyina yaa dɛ nyin Korowii la aa bobɛlbwa tel, kɛ o ɡe ɡarɔ dɛɛ nyin yaa. Hé na ɡɛ Korowii aa ɡela o Bibeŋkpoŋ la koh ya wechɔɡa waa dɛ ba harɛ nɔ ta, dɛ sewɛ dɛ kwaa ya ne Korowii baah.

Tɔn Pɔɔl Aa Chwerɛ Rom Tena 9:21

Naate waa dɛ ma la, o ta ŋwɛnɛ dɔe kɛ o kpɔ choh waa dɛ ma a ne la ma kwaa aa too o tea aa? A too o tea aa, wɛɛ kpɔ a ɡɛ choh laanee ma viine anɛ, dɛ́ kpɔ bɛl dɛɛ ɛ kwaa tɔpejena ɡbo, dɛ́ kpɔ bɛl ɡe dɛɛ ɛ kwaa tɔpere bɛlbwa.

Yela 115:1

N Naa Korowii, he nyina aa wola jaɡa dɔe, ne he kasinteŋ nomanta, he ɡbosoroo chɛ kɛ yá kpɔ jirima tɛ, ya te laa.

Tɔn Pɔɔl Aa Chwerɛ Rom Tena 9:18

Naate Korowii tea aa toora kɛŋɔ ó sune o nɛɛ la, o nɛɛ wɛɛ sune. Naate ɡe o tea aa toora kɛŋɔ ó ɡel o deŋne do kpeɡri la, onee o ɡel o deŋne ɛɛ do kpeɡri.

Amanesoma Luk Aa Chwera Tɔn 12:32

Anee Yeesu berɛ ŋɔ, “Anomanta, Korowii toroma, haa kanɛ, kɛ he bɛ dɛɛ ɔmɛ, dɛkalkɛ a dɛ ɛ he Mɛɛ waa lɔ nyundua la silɛɛ kɛ he ja o Kora la ta.

Matiu 7:14

Kɛ onɔ la waa do feelɔɔ la dɛ́ kaa he ne mkpa ta. O ɡe ta kpɔe kpeɡri. Anomanta, nɛra tama kenii jema dɛɛ kpɔ o ta.

Aesaya 51:2

Hé lii he nabaa Abraham, ne Saara haa le ba bini la wa. Maa yerɛ Abraham dɛ o ta bie dɔe, asɛ n swee andɛɛɡa tɛo dɛ́ ɡel o naanar warɛ.

1 Jɔn 3:1

Hé na nyina ya Mɛɛ waa lɔ nyundua aa dɛ nyin yaa, dɛɛ yerɛ yaa o bii. Ya ɛ o bii kpela. A waa ɡela nɛra baa dɔ harɛ nɔ ta ɡbo liire aa wola yaa jemɛ la. Gɛ baa wola Korowii jemɛ la, ɡɛɛ baa wola ya ɡe jemɛ.

Mmarare 1:10

Korowii he naawa aa tomɔ ɡelɔ taraken he mun ya dɛ warɛ kɛŋɔ weweela ken.

Mmarare 4:37

Nyina waa dɛ nyin he naawa nomanta, o le heyaa tɛ o te dɛ che o kpeɡri kohona waa dɔa ta dɛ ɡbaɡba ja he nɛɛ dɛ le he ne Ijipt harɛ ta.

1 Webena 16:19

Gɛ saŋ dɛ Korowii nɛra aa kanɛ, dɛ ɛ hɔɔhra do Keenan harɛ ta,

Yela 44:3

Ba tokobie ne laa ba yo lɛ harɛ la, kɛɛ ba ɡbaɡba bokpeɡa ne laa, he ɡbabir kpeɡri nee, dɛkalkɛ he baɡ ba nyoa ŋɔ, he ja ba nɛ, dɛɛ nyin ba.

Yela 105:12

Gɛ saŋ dɛ Korowii nɛra aa kanɛ, dɛ ɛ hɔɔhra do Keenan harɛ ta.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Ɛsekeɛl 36:22

Anomanta, ŋɔ men Nemenɛ Korowii ŋɔ Israel tena be ŋɔ, ‘He waa laa mɛɛ ba ɡɛ waa nɔ ɛɛ. N sɔn waa do ɡoroŋ he chɔɡo tɛ harɛre nɛra, bela bwa haa laŋa la waa.

Mmarare 14:2

He ɛ Korowii nɛra dɛ do ɡoroŋ, onee le heyaa le harɛ nɔ nɛra bwa bini dɛ kpɔ heyaa ɛ o ɡbaɡba nɛra he wa ɛɛ su o siwi.

Yela 105:6

he Abraham naanar, haa ɛ Jekɔb bibaala waa le heyaa tɛ o te la.

Ɛsekeɛl 20:5

dɛ́ ŋɔ Israel tena be ŋɔ men Nemenɛ Korowii bolɔ ŋɔ, ‘Awola maa le Israel tena tɛ n te la, n ir nɔn dɛ ŋwɛɛ baɡle Jekɔb naanar, dɛ kpɔ n te baɡ ba Ijipt harɛ ta kɛ menee Korowii baa dɛ tom mɛ la.